IPEKULU 14:14 - Sumi Naga CL (Re-edited) Bible (BSI)

¹⁴ Ampeu no nongu ghenguno aghüshi nani, nongu ye iqünhei ngoke likhi shikepue.”

BAIBEL (BSI)

¹⁴ AMPEU no nongu ghenguno aghu shive tsu nani eno nonguye kiumu shiakepu kuha.”

IPEKULU 14:14 ပူးပေါင်းရင်းမြစ်များ

YEKIKITHI AKINIU 20:15

Pa no pi, “Judah timi kümtsü, Jerusalem lo küami, eno Akükau Jehoshaphat, inilo: Ampeu no ishi piani, ‘Msa kevilo eno hi aqokitikhi kije jupe aghüthisü kevilo, kughengu aghüshi ye nonguw kumoe ikemu Alhouw ke.

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

YEKIKITHI AKINIU 20:29

Ampeu kümsa no aghakhu kükaqha kümtsü shou ikughive, kughengu Ampeu no Israelmi ghümi sasü aghü shikeu panongu no chiluve.

NEHEMIA 4:14

I no jukuto apüzü ithu no sakiphemi eno hiyampemi ngo timi kümtsü vilo pi, “Panongu msa kevilo. Ampeu khuu no kije eno akümzapu keno, Pa kümsü lulo eno nongu thiküzümi, no tianuli, anipu, eno no kungo kiqo ghenguno aghü shilo.”

NEHEMIA 4:20

Ikehu khile no afuko ghügha chiluni keno, tilau poighi lo. Ni Lhou no ni ghenguno aghü shitsü nani.”

NEHEMIA 9:11

Nono panongu zülono Azüghi kijeve tsü, eno ayeghi qhaikeu lo nepuku ghi Azüghi mta lono Nono panoqo sawue. Eno atu pesü azü kutho lo vesü ketoi, panongu haighi keqo ye Azü kutho lo vesüve.

LESHELE 35:1

O Ampeu, I sasü kütsala akeqo sasü kütsala lo; khunono I mjochile ani keno pano mjochile lo!

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 83:1

O Alhou, inaqhoi auve kevilo; inaqhoi momu iqünhei auve kevilo, O Alhou!

IPEKULU 14:15

Ampeu no Moses vilo pi, “Nongu ye kushiye I lau ighamku ani kea? Israelmi vilo azüu wulo pilo.

IPEKULU 14:25

khurkulu pukhuqo mevetsü kehu panongu ye sawu mlave. Eno Egyptmi no pi, “Ningu Israelmi zülono poveni nolo, kughengu Ampeu no panoqo züqhushi Egyptmi mjochile anie.”

IPEKULU 15:3

Ampeu ye aghükishimi ke; Pa je ye Ampeu ke.

ISAIAH 30:15

Kughengu Ampeu, Israel Lhou Akimtheu no ishi pi, “Xaide no pükhübelu keu lono nongu xalu ani; iqüghai pükhübe keu no nongu kumtopu shinani.” Ikemu nongu no pulomo

AKUMLO 3:26

Milakhi no inaqhoi AMPEUw xakulu ngokhe keu ye aloe.

ZAKINIU 1:30

Nongu züu cheche keu Ampeu nongu Lhou ampi no Egypt lo nongu nhethe lono shike toi nongu ghenguno aghü shitsü nani.

ZAKINIU 20:4

kughengu Ampeu nongu Lhou no nongu züqhushi aghü shinike no gholo wucheni eno tokulu nongu tsü nani.’

ZAKINIU 3:22

Panongu msa kevilo, kughengu Ampeu o Lhou no o züqhushi aghüshi nani.’

JOSHUA 10:10

Ampeu no Israelmi nhethe lono pano shithüghüive no Israelmi no Gibeon lono kutomo ghiqhive tsü eno hasü Beth-horon naghuto la kuto iqive no Azekah ngo Makkedah kutolo hawu.

JOSHUA 10:14

Ampeu no timi sütsa chilu tsüno Israelmi züqhushi aghüshi tsükeu, azüu mu momu ishi kutolo mu atsala hitoi keu khilemu shimphie.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

JOSHUA 23:10

Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.

JOSHUA 23:3

Nongu Lhou Ampeu no nongu ghenguno shiye hi kümtsü lau kiu shi keno nongu no ithuluvae, kughengu Ampeu nongu Lhou no nongu züqhushi aghüshi tsüke.

XAKUTHAMI 5:20

Atsütsü lo ayepuqo no aghüshi, pano la lono Sisera küpüghüe.

SAMUEL ATUGHIU 4:7

Philistiami ye msave kughengu panongu no pi, “Aghazü lo alhou ighivae.” Eno panongu no pi, “Ningu ye ahasapuae! Kughengu azüu hitoi keu ye shimphie.