IPEKULU 1:7 - Sumi Naga CL (Re-edited) Bible (BSI)

⁷ Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

BAIBEL (BSI)

⁷ ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

IPEKULU 1:7 ပူးပေါင်းရင်းမြစ်များ

BOTHUBO 1:20

Alhou no pi, “Azü lo aküxüküa lhoxüqo pelo chokive taiqho-iqi pelo, eno aghauqo pelo ayeghi shou atsütsü qhakuchho lo yewu pelo.”

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 26:22

Pa ye tileno iqesü wuve eno itaghi azükikhe kütau chhu, eno panongu ye tipa ghenguno kighe move. Ikehu pa no tipau je Rehoboth kuvetsü no pi, “Itehi ye Ampeu no ningu ghenguno a-a kutove tsüae, eno ningu ye ayeghi hipau lono athi pithi luniae.”

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

BOTHUBO 47:27

Ikehu Israel ye Egypt lo Goshen yeghi lo küghünave. Eno panongu ye tile amheghi ala shiluve, eno athi pithilu no shishe kughuko luve.

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

BOTHUBO 48:4

eno I vilo pi, ‘Julo, I no o pelo athi pithi eno kughuko lupe nani, eno timi aqokitikhi shivepe nani, eno pülhapuju mheghi shi ayeghi hipau pesü o shelo o tikughukoqo tsü nani.’

BOTHUBO 9:1

Alhou no Noah eno pa nuli kümghatsü no panoqo vilo pi, “Athi pithilu, kughukolu, eno ayeghi shepichhilu lo.”

NEHEMIA 9:23

Nono atsütsü lo ayepu jehi, atianuli kutomo pesü panongu tsü, eno pano puasüqo vilo wuno küghüna lo pikeu yeghi lo panongu sailoke.

LESHELE 105:24

Eno Ampeu no paw timiqo ighono ikoishe lupe eno panoqo pelo pano ghümi nguno akumtou shilupe.

LESHELE 107:38

Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

IPEKULU 1:12

Ikemu panongu no Israelmi ala ghime aye, Israelmi no alaushi kighishe wove eno alaushi inaghau qhawove.

IPEKULU 12:37

Israelmi no Rameses lono Succoth kutolo chewuve, totimi ngo itimi kihisü mono timi lakh tsügho apukhu lono wue.

IPEKULU 5:5

Eno Pharaoh no pi, “Julo, aghakhu lo timiqo ye kutomo shivae, eno nongu no panoqo kümla makho lono akulho qhive ani peke!”

EZEKEL 16:7

I no o pelo aluza lo atsünibo toi miniboi ipeghipe. Eno no ye thuwuve no chuqumghaive no jukivi no chhitoive. O kichhi ye akivi shi ipeghive eno o kütsüsa ye thuwuve; ikeghi no ye aphimini pepumo eno aphikümsa shiae.

Apostolmi 13:17

Israelmi hipaqo Lhou no ni puasüqo kishelu no Egypt yeghi lo ache kelono panongu pesü kije shitsü, eno Pa u kumto lono panongu sasü Egypt lono ipeghi.

ZAKINIU 10:22

Nongu puasüqo ye Egypt lo pano lhotsüni likhi iqie, ikemu itehi ye Ampeu nongu Lhou no nongu pesü atsütsü lo ayepu jehi shive tsüae.

ZAKINIU 26:5

“Tishino Ampeu zülono nongu no ishi pini: ‘I puasü ye kupokichemi Arameami. Pa ye Egypt lo iqi no tilau thilishi ache, ikemu tilauno pa ye shiye kije, akumto, eno anoghi shive.