IPEKULU 1:17 - Sumi Naga CL (Re-edited) Bible (BSI)

¹⁷ Ikemu jukupunumi pama ye Alhou msave eno Egypt kükau no pama azah tsü ketoi shimove, eno kiptimiqo pelo xülupe.

BAIBEL (BSI)

¹⁷ Ikemu totimi hipamaye Alhou sumsakemi kehu akukau gholu moveke; pano pikeu shinike zuqhulo anga kiptimi pelo xuluvepeke.

IPEKULU 1:17 ပူးပေါင်းရင်းမြစ်များ

BOTHUBO 20:11

Abraham no pi, “I no tishive keu ye ishi kümsülu kehue, ‘Hipa-a lo ye Alhou sükümsa küha mithe, eno panongu ye I nipu ghenguno I heqhive nanie.’

BOTHUBO 42:18

Atsala aküthüni Joseph no panoqo vilo pi, “Hi shilo eno nongu ye xülu nani, kughengu ni ye Alhou sümsa chenie:

SAMUEL AKINIU 24:4

Ikemu Joab ngo ghüshimi shou zatsümi ye akükau tsa lamlave. Ikehu panongu no akükau zülono Israelmi kihi juniye wuve.

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

ESTHER 3:3

Ikehu akükau qemi khunoqo no akükau khagho lo ngo akeno panongu no Mordecai vilo pi, “Kushiye no ye akükau yezah hebide ani kea?”

LESHELE 31:19

O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

IPEKULU 1:18

Ikehu Egypt kükau no jukupunumi pama kuno pi, “Nokujo ye kushiye ishi kiptimiqo pelo xüluvepe kea?”

IPEKULU 1:21

Jukupunumi pama no Alhou sümsa ke ghenguno Pa no pama kibo kughu tsüe.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

YETSAPIU 8:12

Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

DANIEL 6:13

Tileno panongu no khochile no akükau zülono pi, “Daniel, khuu Judah lono haphe sawuve kemi keno, pa ye o lau, momu nono jemchi shive keu yezah lo amlo tsüqhiyi amoe, O akükau, ikemu pa ye atsala lo ghuthu küthü inikhu ani.”

HOSIYA 5:11

Ephraim no niqhinilai keu pape niye pükapütsa kehu pa ye nedaqoda keu xakütha lono chunudaqhi ani.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

Luke 12:5

Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

Apostolmi 5:29

Ikemu Peter ngo apostolmi no khochile, “Ningu ye timi nguno alau Alhou gholu masae.

SAMUEL ATUGHIU 22:17

Akükau no aghukheu pa phivilo akeu vilo pi, “Ampeu chinemi pithive lo, kughengu panongu ghi David gholo ani, pa no poche keu ithi pülaghi I vilo pimoe.” Ikemu akükau qemi no Ampeu chinemi shou au süqheni keu shimove.