IBRIMI 9:16 - Sumi Naga CL (Re-edited) Bible (BSI)

¹⁶ Milakhi no amheghi tsüniye yepüa kelo pa ye thivae pikeu paghi mtsüqhei lumasae.

BAIBEL (BSI)

¹⁶ Kughengu puloshoqhi lakhi aghikelo khuno tipau shikeno timi tipau thiakemokeno mutsuqheyi shipaghi masae.

Sümi Tiqhelimi Bible

¹⁶ Akupulo kiyé hipau sheamzü lo ye khuu no tishi keno pa kithí kimchitsü moayesa ke,

IBRIMI 9:16 ပူးပေါင်းရင်းမြစ်များ

Rommi 5:12

Ikehu, milakhi vecheo ayeghiqha lo axine ighi, tipau lono akithi ighive, eno timi kümtsü no axine shive keke akithi huno kümtsü shou ikughive—

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

1 Kor. 15:22

Adam vecheo timi kümtsü thive ketoi Khristo gholono kümtsü püxüve nani.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

IBRIMI 9:17

Kughengu akiye ye thive kethiu likhino avehu shini aphi thono pa no xüaphi loye kiumu akiqi kühae.

James 2:10

Kughengu Ayezah kümtsü pelu anamu lakhi pemlave aye, tino kümtsü lo küqüvae.