IBRIMI 8:8 - Sumi Naga CL (Re-edited) Bible (BSI)

⁸ Ikemu Alhou no ishi pi kelo Pa ye akipimi ithulu püanie: “I no Israel ngo Judah kibolomi sasü puloshoqhi kithe shini keu tsala cheni, ipi Ampeu no sheshu,

BAIBEL (BSI)

⁸ Ikemu Alhou no ishi pikeulo paye pawu timiqo lau akuyiqupu ithulupe anie: “Ampeu no piani, Ino Israil kibolomi ngo Juda laghami sasu puloshoqhi akitheu shinikeu tsalaqo ighini cheni.

Sümi Tiqhelimi Bible

⁸ Ikemu Alhou no timiqo gholo akipimí phulu no pi: “I no Israel timiqo ngo Judahmiqo gholo puloshoqhi akithé lakhi shini keu tsalaqo cheni, ipi Ampeu no shuphe ke.

IBRIMI 8:8 ပူးပေါင်းရင်းမြစ်များ

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 23:7

“Tighenguno, julo, Ampeu no asheshu, panongu no ishi pimoni keu tsala cheni, ‘Ampeu xüani ke Pa no Israelmi Egypt yeghi lono saipeghi,’

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 31:27

“Julo, Ampeu no sheshu, I no Israel ngo Judah kibo lo timi xüthi eno tüghashi xüthi pesü xusüni keu tsala cheni.

JEREMIYA 31:38

“Julo, Ampeu no sheshu, Hananel Qoghe lono Acheku Khagho kutolo Ampeu ghenguno mishighüna shiqhe kitheni keu tsala cheni.

JEREMIYA 32:40

I no panongu sasü lhokta puloshoqhi shinani, Ni ye panongu kivipu kümla shini keu lono tsüghüve monani. Panongu mlo lo I sümsani keu I no sütsü nani, ikehu panongu ye I launo tsüghüve monani.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

Mark 14:24

Pa no panoqo vilo pi, “Hi ye kutomo ghenguno peleve niye puloshoqhi shikeu I ji ke.

Luke 17:22

Pa no akhopemi vilo pi, “Nongu no Timi Nu do-ghuloki ithuluni shikütü keu tsala cheni, ikemu ti ithulumo nani.

Luke 22:20

Titoi panongu no chuve kethiu pa no ajukhu ikhilu no pi, “Ajukhu hipau nongu ghenguno peleve tsü akeu ye I ji lono puloshoqhi kithe shi akeu ke.

Luke 5:38

Ikemu atsaiji kithe pesü ahughi kithe lo sümasae.

1 Kor. 11:25

Tipaphi lono aghulhu thiu Pa no ajukhu ikhilu no pi, “Ajukhu hipau ye I ji pesü puloshoqhi kithe shikeue. Nongu no hi shoke kümtsü lo I kümsüchilelu ghi hi shilo.”

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

ZAKINIU 29:14

Ni ye nongu likhi sasü puloshoqhi shi anike kumoe,

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 7:22

Hi no Jisü pesü puloshoqhi akiviu pepimhe kütsüu shipe ke.

IBRIMI 8:13

Hipa gholau no puloshoqhi akitheu tsa pi püzü Alhou no puloshoqhi atüghüu pesü adou shivetsüe. Eno kiu no adou eno aqa shive ani keno ti ye pai hauve nani.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.