IBRIMI 6:20 - Sumi Naga CL (Re-edited) Bible (BSI)

²⁰ ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

BAIBEL (BSI)

²⁰ Jisu no nizuuno nizuqhushi tilehi ilovae. Pano Melkhizedek no shikeu ghola lono alhokupuju ghenguno achinetou shiluvae.

Sümi Tiqhelimi Bible

²⁰ tiye Jisü no ningu züu no ningu züqhu shi ilovea ke. Pa ye pülhapuju ghenguno Melchizedek no shikeu ghola lono achinetomiqo shou atou shivea.

IBRIMI 6:20 ပူးပေါင်းရင်းမြစ်များ

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

AKIKIHI 18:28

Hipa gholau no nongu no Israelmi launo chighi saje ithulu keu kümtsü lono Ampeu saje shi akümllagho tsülo eno tipau lono Ampeu kümllagho shi achineu Aaron saje tsülo.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 5:10

ti ye Melchizedek ghola lono achinetou shi penike Alhou no aje kuvetsü.

IBRIMI 5:6

Pa no a-a lakhiu lo ghi ishi pi püani, “No ye Melchizedek ghola lono alholo achineu ke.”

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.