IBRIMI 10:36 - Sumi Naga CL (Re-edited) Bible (BSI)

³⁶ Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

BAIBEL (BSI)

³⁶ Nonguno Alhou pulou shilu kepushi eno pano piqhipuakeu ithulu kepushi nonguye kutuu keu avehupu shiani.

Sümi Tiqhelimi Bible

³⁶ Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

IBRIMI 10:36 ပူးပေါင်းရင်းမြစ်များ

LESHELE 37:7

Ampeu zülo iqünhei lo eno kheakulu shi Pa ngokhe lo; khuu no kixikila kümla shino pa laghi lo kinikülü shi ani keno pa jupe kütakihi kevilo!

LESHELE 40:1

I no kheakulu shi Ampeu khe ani; Pa no I lau kughopuwo no I küqa chilu tsüe.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 12:50

Kughengu khukhumu I pu kungugha lo akeu pulou shikeu huno I thiküzümi ngo I chelimi eno I zake.”

MATTHEW 21:31

Hi pama dolo khikhiu no apu pulou shitsü kea?” Panongu no khochile, “Akichiu no,” Jisü no panoqo vilo pi, “Kuchou no I no nongu vilo piani, asüqha küqhami eno kütüqhalimi no nongu züuno Alhou yekipe lo ilolu anie.”

MATTHEW 24:13

Ikemu khuu no ashekha kutolo kutuu luni keno xaluve nani.

MATTHEW 7:21

“I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

Mark 3:35

Kughengu khunono Alhou pulou shi cheni keno, pa no I thiküzü I chelimi eno I za ke.”

Luke 21:19

Nongu no kutuu puqhelu keu lono nongu ye aküxü achili shilu nani.

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Apostolmi 13:22

Pa no Saul ikhive kethiu David pesü akükau shipenike süqhe, eno ishi pa shepe shitsü, ‘I pulou kümtsü shitsüni keu, I mlo kuchuu I no Jesse nu David phuluvae.’

Apostolmi 13:36

Kughengu David ye paw tiqheli lo Alhou kimji kupuve kethiu, pa puasüqo gholo zühuve no tsümave,

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

1 Kor. 13:7

Kikimiye ye kümtsü kutuulu cheni, kümtsü pülübe cheni, kümtsü lajube cheni, kümtsü puqhelu cheni.

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

Ephesiami 6:6

Timi lokiqipu shiniye anhekithe lo likhino shi kevilo, ikemu Khristo qemi toi amlo lono Alhou pulou shilo.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

Kolosiami 3:24

Ampeu launo amheghi shi o saxü ithulu nani kepi ithilo. No ye Ampeu Khristo qe anie.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

IBRIMI 11:39

Ike timi hipaqo kümtsü, Alhou zülo pano küpülü ikhikulupu shi akeghi, kiu piqhipüa keno ithumlave,

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

IBRIMI 6:12

tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

IBRIMI 6:17

Ikehu kughou Alhou no Pa shoqhi kiyighimi lau kilive mlakeu lhoaye piyeni ke pulove keno, Pa no ashoqhi pesü ti mtsüqhei shitsüe,

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

1 Peter 1:9

nongu ngulho xakulupu, ti ye nongu küpülü vecheo iqüphelu keu hu ithukulupu shike.

1 John 2:17

Ayeghiqha ye akiminepu jeli gholono wove cheae, ikemu khunono Alhou lopu shikeno alholo acheni.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 14:12

Hi ye küpülümi khunono Alhou zakütsü pelu no Jisü lau aküpülü acheni keno tipaqo pelo kutuokutuu peniye kukeu ke.