HABAKUK 2:8 - Sumi Naga CL (Re-edited) Bible (BSI)

⁸ Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

BAIBEL (BSI)

⁸ Nonguno ashiayeh kutomo xulepuwuke ikemu tipaqo gholo puxupe puaghi keqono nongu xulepuwu nani, kughengu nonguno timi ghiqhileke eno nonguno ayeghiqhalo akemiqo eno panoqo phughi shou a-ubeke.

HABAKUK 2:8 ပူးပေါင်းရင်းမြစ်များ

LESHELE 137:8

O Babylon limi, kütsaveni küau, nono ningu lau mlakeu lo khuu no o lochile luni keno pa lokivipue!

AHOLE 22:23

kughengu Ampeu no panongu she petsüni aphi eno pano pükaqhi püakemi küxü luve tsüni aphike.

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 33:4

eno tülhaqu no külhü chuve keshi pano küakini hakholuve tsü nani.

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 30:16

Ikehu o kütsave kemi kümtsü kütsave nani, eno o ghümi kümtsü akughu lo wuve nani; khunono o pükaqhi keno pano pükaqhi nani, o tsüchu kemi I no tsüchuve nani.

JEREMIYA 50:14

“Asüzü piqepe akeqo, Babylon lenike homxape ngoluve lo; li kaqhilo eno apiji qhive kevilo, kughengu li ye Ampeu shou axine shivae.

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

JEREMIYA 50:37

Khurshi ngo khurkuluqo, eno inaghami ghüshimi li gholo akeqo shou azütakikihi puku nani, eno panongu ye totimi toive nani!

JEREMIYA 51:13

O nongu azüghi phivilo kinikülü shi xüche keqo, nongu shekuho ye ighivae; no küxü kighi ye ghithavae.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

JEREMIYA 51:48

Tileno atsütsü ayeghi eno tile xüküami kümtsü no Babylon ghenguno alovi ale phe nani, kughengu pano kütsaleni kemi ye ahuu no ighi nani, ipi Ampeu no sheshu.

JEREMIYA 51:8

Babylon ye züleno ikiqive no kütsalevae, li kümsü qalo! Li küsü ghenguno nukümtshau lulo, tinomu li shipivi luvie.

EZEKEL 28:16

Ow kilhisho kupukuno shikeu lono no ye ngukangugha no chhitoive no axine shive kehu I no Alhouw naghuto lono kitiqeve keu thime toi o peve, eno atu iqü akeqo dolono o kütsave ke, O hikujuu cherub.

EZEKEL 39:10

tishi kehu panongu ye aluza lo asü ghewu momu aghasüqo thaqhimo nani, kughengu panongu no aghünanuqo pesü ami shinani. Khunono pano pükaqhi eno xule puwuve tsü keno itehi ye panongu no tipanow xule puwuve tsü nani ipi Ampeu Alhou no asheshu.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

Obadiah 1:15

Kughengu Ampeu tsala ye shiye kümtsü kupunuvae. Nono mlake toi o lau mla nani; o kümla ye o kütsü lo ideikughi nani.

HABAKUK 2:10

Nono timi kutomo kütsave kehu o kibolomi lau akukujopu shivae; no ye o küxü chipiu pühavae.

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

ZEKHARIA 14:12

Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”