HABAKUK 1:6 - Sumi Naga CL (Re-edited) Bible (BSI)

⁶ Kughengu julo, hu kukhukimji eno ngosükümla shiye Chaldeami I no puthu ani, panongu ye panow kumomu süxa luveni ye ayeghiqha xü cheni.

BAIBEL (BSI)

⁶ Ino Babilon ayikusau eno ngosukumlau pesu akuka tsuno kutami yeghi lelupe nike puwuni cheni.

HABAKUK 1:6 ပူးပေါင်းရင်းမြစ်များ

KUKAMI AKINIU 24:1

Jehoiakim ghuloki lono Babylon kükau Nebuchadnezzar ighive eno Jehoiakim ye ampe küthü pa qholo ngove. Tithiu pa no hebidethu.

KUKAMI AKINIU 24:2

Ampeu no Pa qemi tungkupmi vecheo pipüa ketoi Jehoiakim sasü aghüshi no Judah kütsakungove penike Ampeu no Chaldea, Syria, Moab eno Ammon ghüshimi puwu.

YEKIKITHI AKINIU 36:17

Tighenguno Ampeu no Chaldeami kükau pelo panoqo levepe eno panow apumiqo akimthea lono ghiqhive tsü, apumi na ilimi na kiteküsümi namu, khumu küpümoe. Ampeu no kümtsü pa u lo süvetsü.

YEKIKITHI AKINIU 36:6

Babylon kükau Nebuchadnezzar no pa sasü aghüshi eno ayikichhe no pa tshü sasü Babylon lo wuve.

ISAIAH 23:13

Chaldeami yeghi julo! Tile ache keqo ye kühavae; Assyriami no tüghashiqo sala qhive tsüe. Pano qogheki shiqhe keqo ngo kükakiqo Assyriami no pükhülepe ixapinyi qhive tsüe.

JEREMIYA 13:20

“Khunoqo ahuu no cheni keno pishipuwo julo. O pelo jukuto peniye pichetsü keu jukivi loji khile ani kea?

JEREMIYA 21:4

‘Israel Lhou, Ampeu no ishi piani: Julo, Babylon kükau eno Babylonmi khunoqo atupikiye khalacheu no nongu khasüpe ani keno, nongu no panoqo sasü aghü shiniye nongu u lo aghünanu pe akeqo I no nongu shou pukuve tsü nani. I no mishighüna hipau lo panongu kümtsü sailoghi nani.

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 30:5

“Ampeu no ishi piani: Ningu no shithüghüi keu ghügha chilue, akümsapu kethono aloino keu kumoe.

JEREMIYA 4:11

Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

JEREMIYA 4:6

Zion küdau amchipu peqhelo, süsho lunike ngomo no polulo, kughengu ahuu no I no amhekiqi, kütsakungo kije süghini cheni.

JEREMIYA 4:8

Hi ghenguno yeqhiyephi pepulo, mlolo eno amlo kighishi shilo, kughengu Ampeu mlokighide ye ningu launo tsüghüsü womoae.”

JEREMIYA 5:15

Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

EZEKEL 16:40

Panongu no aqokitikhi saghi no o mjochile nani, atu pesü o veqhi nani eno panoqo zütakikihi pesü o ghekuchove nani.

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

EZEKEL 28:7

julo, I no shiye dolo shishe ayiküsau inaghami o lau saghini; panoqo no azütakikihi pesü o lokütsü kivi lachile nani eno o jekipi shipütha nani.

EZEKEL 31:12

Shiyeqo dolo ighono ayiküsau, inaghami no tipau yeqhive no qhivae. Naghutoqo lo eno akhilaqo lo tipau lokaqo ye ikiqivae, tipau lokaqo ye ayeghi lo kipekuloi ke-a kümtsü lo ikiqivae, eno ayeghi lo timiqo ye tipau kicheqho qhive no wukhavae.

JOYIL 2:3

Ami no panoqo züuno piti eno ami mili no pano thiuno iqü. Panoqo zülo ayeghi ye Eden ghutu toi ikemu pano thiu ye küghüküghaleike sayeqha toi kiunomu tipaqo zülo povemlae.