Galatiami 6:13 - Sumi Naga CL (Re-edited) Bible (BSI)

¹³ Kughengu khunono aphighüyiko ghave akeno panoqou ghi Ayezah pelu chemoe, ikemu panongu ye nongu pelo aphighüyiko ghave penishi ani, tishikeu lono nongu phiashi vecheo qheza niye ke.

BAIBEL (BSI)

¹³ Kughengu khunoqono aphighu yiko ghaveakeno panongu ghi Ayezah peluchemoe, ikemu panonguno nongu pelo aphighu yiko ghavepeniye shikakeu michipuye nongu philo akeu pesu panongu qhekuzapu shiniye kuto ani.

Sümi Tiqhelimi Bible

¹³ Aphighüyiko-küghá saphu chekemi kutólo ghí ayeza pape chemoe, tishimu panongu ye nongu pelo aphighüyiko ghave penishi ani, tishianguno nongu no ashi lono aphighüyiko ghave keu vechewo panongu ye aqheküza shi niye ke.

Galatiami 6:13 ပူးပေါင်းရင်းမြစ်များ

MATTHEW 23:15

Nongu Ayezah shikükami ngo Phariseemi hasapue, keghilishi chekeqo! Nongu no timi lakhi sawo no chineye lo süniye azüghi eno ayeghi kathasü wucheni, kughou tishi luveni keno nongu no pa pesü ghuthu kini nongu nguno alau aghime shipe cheni.

MATTHEW 23:23

“Nongu Ayezah shikükami ngo Phariseemi hasapue, keghilishi chekeqo! Nongu no pülakhü, napa eno thüvü yetsüni kutolo chighi saje tsücheni, ikemu Ayezah lo akhotoqo: kuchou xakütha, kimiyekini, eno pükhükulu kughuchove cheni. Kütau ghi kughucho mono nongu ye hipaqo pepimhe kepu shiake.

MATTHEW 23:3

ikehu panongu no nongu vilo kiu kiumu pikeu shilo, ikemu pano no mlaitha chekeu ye shikevilo. Kughengu panongu no kütsü acheni kemu pape chemoe.

Luke 5:38

Ikemu atsaiji kithe pesü ahughi kithe lo sümasae.

1 Kor. 3:21

Ikehu khumu timi pükhüpe qheza kevilo. Kughengu thokha kümtsü nonguw ke,

1 Kor. 5:6

Nongu qheküza ye aloke kumoe. Kholaqhi kitila no asho kunu püakeu kuchopu inguvepe chekeu nongu ye mtha keshea?

2 Kor. 11:18

Kutomo no ashi gholau no qheza cheni keke ni ghi qhezani.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.