Galatiami 2:20 - Sumi Naga CL (Re-edited) Bible (BSI)

²⁰ Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

BAIBEL (BSI)

²⁰ ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

Sümi Tiqhelimi Bible

²⁰ Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 2:20 ပူးပေါင်းရင်းမြစ်များ

ALE KIMCHI 7:10

Ni ye I qhuuw ke, eno pa no mine chekeu ye ni ke.

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 10:11

Ni ye akheu kiviue. Akheu kiviu ye ambeqo ghenguno pa küxü pephe tsüve cheni.

John 15:13

Timi lakhi no pa küsami ghenguno aküxü tsüve keu nguno kikimiye akijeu kütau kühae.

John 17:21

tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:35

Apu no Anu kimiye eno thokha kümtsü pesü pa u lo süvetsü.

John 6:57

Apu xüakeu no I puwu eno I no Apu ghenguno xü aketoi, khunono I shi eno aji chushoni keno I vecheo pa ghi xülu nani.

John 6:69

eno no ye Alhouw Akimtheu kepi nino pülü luve no ithivae.”

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

Apostolmi 9:20

Tithiu pa no mtazü sinagog lono Jisü ghili sheshu, “Pa ye Alhou Nue.”

Rommi 1:17

Kughengu ishi yepüake toi, “Amikuchomi ye aküpülü lono xülu nani,” atsakiviu lo ghi Alhou mikucho ye aküpülü lono huthu eno aküpülü lono kishekha keu pephe piye ani.

Rommi 14:7

Ningu khumu pütüta ghengu likhino xüchemo, momu pütüta ghenguno thive chemoe.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Rommi 5:6

Kughengu ningu no miqemlei akelo ado achipi lono Khristo no küsaküghami ghenguno thive tsüe.

Rommi 5:8

ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 6:8

Ikehu ningu no Khristo gholono thive aye, Pa gholono itaghi ningu ye xü nani kepi pülü cheni.

Rommi 8:10

Ikemu Khristo no nongu lolo aghi aye, axine ghenguno ashi phimpi ye thive kepu shimu, nongu no achipikaluve keu vecheo Aghungu no aküxüpu tsü nani.

Rommi 8:37

Moe, Khuu no ningu kimiye cheni keno Pa vecheo ningu ye hi kümtsü lo aghütomi nguno alau tokulupu ani.

1 Kor. 6:17

Ikemu khuu no Ampeu gholo kimepe ani keno pa ye aghungu lono Ampeu sasü lakhi shivae.

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

2 Kor. 10:3

Ningu ye ashi lono xüaghi namu ashi gholau no aghüshi chemoe.

2 Kor. 11:10

Khristow kuchou I lolo anike Achaia cheaxü lomu I qheküzapu hipau ye inaqhoive monani.

2 Kor. 13:3

kughengu Khristo no I vecheo kiu pi ani keno nongu no thopi khu ani. Pa ye nongu peitha kelo miqemlei ke kumoe ikemu akumtoshi nongu gholo ani.

2 Kor. 13:5

Nongu ye aküpülü tsüqüpe ani kemo keno nongu ampi chhejulo. Nongu ampi pejulo. Ikeo Jisü Khristo ye nongu lolo anipi kümsü mlano ani kea?—nongu no pekuju lo tomlave aghinike kumo aye tishimo kepue!

2 Kor. 5:14

Kughengu Khristo kikimiye no ningu bothape ani kehu ningu no ishi xathavae: milakhi no kümtsü ghenguno thive, ikehu kümtsü pa gholono thivae;

2 Kor. 5:15

Pa no kümtsü ghenguno thive, ikehu khunoqo xüani keno panongu ye pütüta ghenguno kumono Khuu panongu ghenguno thive no xüputhuve keno Pa ghenguno xü peniye ke.

2 Kor. 5:7

kughengu ningu ye ithukulu lono kumono aküpülü lono checheni.

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Galatiami 3:11

Itehi ye khunomu Ayezah vecheo Alhou lau achipikalu monani pi mtsüqheivae, kughengu “Amikuchomi ye aküpülü vecheo xülu nani.”

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

Ephesiami 5:25

Akimiqo, Khristo no akukuhou kimiye no li ghenguno pa küxü tsüve ketoi nongu nipu kimiye lo,

FILIPIAMI 1:21

Kughengu I müzülo ye I no xüakeu ye Khristo ghenguno, eno thive keu huno I lake.

FILIPIAMI 4:13

Khristo no I shikumto keu vecheo ni ye thokha shilu nani.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

1 Thes. 5:10

Pa no ni ghenguno thivetsü kehu ningu no idathu aghina züaghi namu Pa gholo xülu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 8:3

Achinetomi lakhikhi no akümllagho ngo aghakishi pesü mlla penike süsü püani; ikehu ni chinetou ghi kiuala pesü mlla kepu shive.

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 3:20

Julo, Ni ye ahukikha lo puthugho no kukhu ani. Khuu no I sütsa chilu no ahukikha khaqhi tsüni keno I no pa lau iloghi no pa sasü chushoni eno pa no I gholo chushoni.