Galatiami 2:14 - Sumi Naga CL (Re-edited) Bible (BSI)

¹⁴ Ikemu kughou I no panongu ghili-aye ithulu keno panongu ye kuchou tsakiviu lo cheghi move kehu I no panongu kümtsü zülono Cephas vilo pi, “Nono Jewmi keghi Jewmi toi mono Jewkumomi toi xü aye, no ye kishino anguka lono Jewkumomi vilo Jewmi toi xülo piluni kea?”

BAIBEL (BSI)

¹⁴ Ikemu atsakiviulo kuchou akeu kiqilo panonguye achipi kumovekeu ino ithiveno panongu kumtsu gizu lono ino Pitor vilo ishipi, “Noye Judami kemu Judami lakhi toi mono Judakumomi toi xuchenike. Tishiaye noye kushiye tsuyikhomo Judakumomi vilo Judami toi xulopi cheni kya?”

Sümi Tiqhelimi Bible

¹⁴ Kughou panongu no atsakiviuw kuchou kiqi lono xü aghimo keu I no ithulu keno, I no panongu kümtsü zülo no Cephas vilo ishi pi, “No ye Jewmi lakhi ke, ikemu no ye Jewmi lakhi toimo no Jewkumomi lakhi toi xü anie. Tishiaye kíshi no no ye Jewkumomiqo vilo Jewmi kukhuayeqo papelo ipi ani kea?

Galatiami 2:14 ပူးပေါင်းရင်းမြစ်များ

LESHELE 141:5

Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.

LESHELE 15:2

Timi khuu no tichetighe küha, achipiu shicheni eno pa mlo lono kuchou tsa pi cheni keno;

LESHELE 58:1

Nongu yepemi ye mtsüqheino achipiu pesü azah tsü chenima? Nongu ye timi nuliqo lau süchou no xatha chenima?

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

AHOLE 10:9

Akikhishi xükemi ye sükusho acheni, ikemu khuu no pa küxü la tuchighive akeno phuphe luve nani.

AHOLE 2:7

Pa no amikuchomi sala peitha kulupu lokütsü pükhatsü cheni; Pa ye akikhishi xüche kemi züto,

ACHINE 19:17

“O mlo lo o thiküzümi mithi moni, ikemu pa sasü kiqikuto lulo, tikumo aye pa ghenguno nou no axine shilu nosae.

Apostolmi 10:28

Pa no panoqo vilo pi, “Nongu no ithi anike Jewmi lakhi no shiye kütami sasü xukütshü momu xujuni keu ye ayezah kiqilo kumoe, ikemu timi khumu pesü kitiqeve keu momu mithekumo ipi pemoni ke Alhou no I piyevae.

Apostolmi 15:1

Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Apostolmi 15:5

Ikemu Phariseemi mqo gholo pülüve kemi khami no puthugho no pi, “Panongu ye aphighüyiko ghavetsü masae eno Moses yezah pape pemasae.”

Rommi 14:14

I no Ampeu Jisü laumi shino ithitoi luve ake kiumu pakutoshi no mithemo keu ye kumoe, ikemu khuana no mithekumo kepi kümsüve aye pa ghenguno ti ye mithe movae.

Galatiami 1:18

Tishino ampe küthü thiu ni ye Jerusalem lo Cephas xuju niye iqho eno pa sasü atsala chighipungu ngove.

Galatiami 1:6

Nongu ye mtazü khuu no Khristow küpükini lo nongu kulu keno pa pheve no kütau tsakiviu lo igho wove akeu no I kichiqhivae.

Galatiami 2:3

Ikemu le Titus khuu I gholo chekeno pau ye Greekmi keghi anguka shi aphighüyiko ghavelo pimoe.

Galatiami 2:5

Ikemu ningu no asüchedo lakhimu panongu phesümoe, tishianguno kuchou tsakiviu nongu ghenguno püxüpe püatsüni kehue.

Galatiami 2:7

Tike kumono Peter pesü aphighü yiko ghave kemi lau atsakiviu pikülha penike pichetsü ketoi I pelo aphighü yiko ghamo kemi lau atsakiviu pikülha penike pichetsü keu panongu no ithulue.

Galatiami 2:9

kughou James ngo Cephas eno John, atsükuchoqo ipiche keqo no I lau küpükini tsü püakeu vethalu keno, panongu no Barnabas nikujo ikhilu eno ningu lakhi kepi sasü kuposhu, ikehu ningu no aphighü yiko ghamo kemi Jewkumomi lau wunikeu shi eno panongu no aphighü yiko ghave kemi lau wunikeu shie.

Galatiami 6:12

Khunono nongu pelo ashi lono timi shipiye penishi cheni keno, panoqo no tsümomo nongu pelo aphighüyiko ghave penishi ani, tishikeu lono Khristow kros ghenguno panongu ghime pemo niye ke.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

1 Tim. 5:20

Khunono axine lo acheni keno, mishi zülono sakiyi lo, tishianguno kütami no msave nani.

IBRIMI 12:13

nongu la müzüchoi shilo, tishianguno apukhu kinitave kemi no ala chepimimo nani ikemu shipivilu nani.

IBRIMI 9:10

ikemu kuchu-kusho eno qhukimthe keu khuaye likhie. Hipaqo ye akikili kithe ighi moke dolo aphimpi ghenguno bekütha yeqoke.