FILIPIAMI 4:9 - Sumi Naga CL (Re-edited) Bible (BSI)

⁹ Nongu no I launo kiu shikalu, ikhilu, chilu, eno ithuluve akeno tipaqo pewolo, eno aloinokütsü Lhou no nongu gholo anani.

BAIBEL (BSI)

⁹ Nonguno ilauno kiu shikaluvea, ikhiluvea, chiluvea eno ithuluve akeno tipaqo pewolo; eno alokiqipu tsuchekeu Lhou no nongu gholo anani.

Sümi Tiqhelimi Bible

⁹ Nongu no kiu shikalu momu ithulu momu I lau no chilu, momu I lolo ithulu keno akümlà lono pephe-piye lo. Tishiaye Alhou’w aloino keu nongu gholo anani.

FILIPIAMI 4:9 ပူးပေါင်းရင်းမြစ်များ

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 7:21

“I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

Luke 6:46

“Kushiye nongu ye I vilo, ‘Ampeu, Ampeu,’ ipi cheni eno I no nongu vilo pikeu ye pape chemo kea?

Luke 8:21

Ikemu pa no khochile, “Khunono Alhou tsa chilu no ti pecheni keno, pano no I za eno I thiküzümie.”

John 13:17

Nongu no hipaqo ithi no papelu aye nongu kümghapue.

John 15:14

I no kiu azah tsü keno nongu no pape aye, nongu ye I küsami ke.

John 2:5

Paza no lokijimi vilo pi, “Pa no nongu vilo kiu kiumu pikeu shilo.”

Apostolmi 9:6

Itehi ithu no mishighüna lo ilolo, eno kiu shimasa keno o vilo pini.”

Rommi 15:33

Aloinokeu Lhou no nongu kümtsü gholo apeniu, Amen.

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

1 Kor. 14:33

Kughengu Alhou ye kübangü keu Lhou kumono iqüghai keu Lhou ke. Eno Alhou kukuhou kümtsü lo

1 Kor. 4:16

Ikehu I toi shilopi I no nongu hakite ani.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

FILIPIAMI 3:17

Athiküzümiqo, I kimihi shilo, eno nino kichekipiye shi püatsü keu kiqi lono xücheghi kemi shou jupukulo.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

1 Thes. 1:6

Nongu no ningu eno Ampeu kimihi shike, kughengu nongu no aghime kitikhi lono Aghungu Kimthe lokivi pesü atsakiviu ikhilu,

1 Thes. 2:14

Nongu athiküzümi no Judea lo Khristo Jisü gholo Alhou kukuhou akeqo kimihi shilue. Kughengu panongu no Jewmi launo ghime keu sholuke toi nongu ghi no ghakhumi launo aphiphi sholue.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

2 Thes. 3:4

Nino azah nongu tsüke toi nongu ye mla ani eno tishi anani kepi nongu ghenguno Ampeu lau amlo mtotoi ani.

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

James 1:22

Atsa chikulu likhi shive no nongu ampi pishiqhi kevi, ikemu atsa tho akümlami shilo.

2 Peter 1:10

Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.