FILIPIAMI 4:3 - Sumi Naga CL (Re-edited) Bible (BSI)

³ Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

BAIBEL (BSI)

³ Eno puqhe kumtsa chekeu ikusau, ino ovilo ghi qhuiniju ani, noye totimi hipama kuphutsulo, kughengu pamaye Klemento ngo ikusami kumtsa mlachekemi kutami ishi gholono isasu atsakiviu vekupha nikeulo shishe mlacheke, panongu jeye akuxupu kakulo anike.

Sümi Tiqhelimi Bible

³ Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

FILIPIAMI 4:3 ပူးပေါင်းရင်းမြစ်များ

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

IPEKULU 32:32

Ikemu itehi, Nono panoqo xine qhitsü aye ta—ikemu tishimo aye, kimiyeno Ow kaku khipau lo Nono yepüani keno tileno I je nuxave tsülo.”

ISAIAH 4:3

Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

EZEKEL 13:9

Tungkupmi khunoqo no kichile kungunhetsü ithulu eno pishikiqhi chine picheni keno panoqo shou I u pesü lachile nani. Panongu ye Iw timi hoho lo ngolumo nani momu Israel laghamiw ajeyeküsü kaku lo yesü mla nani, momu Israel yeghi lo iloghi lumo nani. Ni ye Ampeu Alhou kepi nongu no ithi nani.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 16:12

Ampeu kümlapu lo akemi, Tryphaena ngo Tryphosa pama lau petha tsülo. Kimiyekicheu Persis khuu aka-aveshi Ampeu kümlapu lo acheni keno petha tsülo.

Rommi 16:9

Khristo kümlapu lo mlaküqha chekemi Urbanus, eno I qhuu Stachys lau petha tsülo.

FILIPIAMI 1:12

Athiküzümiqo, ni ye nongu pelo ithi penishi ani, I lau kiu shive keno kuchou loye tiuno atsakiviu pekholu kepu shive,

FILIPIAMI 1:16

Hi amqo akiniu no ni ye atsakiviu sükusho ghenguno hilau akughushi anipi ithi no kikimiye lono mla cheni.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

FILIPIAMI 1:5

kughengu atsakiviu kümlapu huthuke tsala lono ishi kutolo nongu no atüna kivishi kutupo tsüke.

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

FILIPIAMI 4:2

I no Euodia ngo Syntyche pama vilo Ampeu lau juno pulo küqhalu penike hakite ani.

Kolosiami 1:7

Nongu no ni qhuu aküsau eno aqeu Epaphras launo ti shikalu ke. Pa ye nongu züqhushi Khristow pükhükulupu qemi

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.