FILIPIAMI 3:5 - Sumi Naga CL (Re-edited) Bible (BSI)

⁵ atsala akütacheni no aphighüyiko ghakemi; Benjamin laghami Israelmi; Hebrewmi no punu keu Hebrewmi; Ayezah tsa loye Phariseemi;

BAIBEL (BSI)

⁵ Niye punuwo akutachenino aphighu yiko ghaveke. Israilmi lakhi shighi ipunuke, Benjamin lagha ke, Ibrimino punukemi Ibrimi lakhike. Judami yezah pepukeu ghola lono piniaye niye Farisimi lakhike,

Sümi Tiqhelimi Bible

⁵ ni ye atsala akütacheu lono aphighüyiko ghave, Israelmi lakhi shi punú kemi, Benjamin laghami, ajì lono Hebrewmi shi ighi kemi lakhi; ayeza pape chekeu lono pìní aye Phariseemi lakhi;

FILIPIAMI 3:5 ပူးပေါင်းရင်းမြစ်များ

BOTHUBO 14:13

Tishino milakhi pokalu keu no ighi no Hebrewmi Abram vilo pive. Tipa ghuloki lo Abram ye Mamre lo aphisübo phivilo ache, Mamre ye Amorimi eno Eshcol ngo Aner pama thiküzüu, panoqo ye Abram sasü visho shikemie.

BOTHUBO 17:12

Nongu dolo kiptimi khukhumu punuwo atsala tache shive keu ye aphighüyiko ghaveni. Tiqheli kupuju lo o ki lono punu keu shi aghina, o tikughukomi kumo namu inaghami ow pisa no qhüluve kemi pinamu,

BOTHUBO 40:15

Kughengu kuchou no ni ye Hebrewmi yeghi lono sünhe sawuve kemi, eno hilau ghi aqokutho lo I vesüve pekepu kümla ni ye kiumu shi püamoe.”

BOTHUBO 41:12

Hebrewmi apumi lakhi, ghukhemi shou kepten qeu no nikujo gholo ae. Kughou nikujo no pa vilo pi keno, pa no nikujo samo hephotsü, milakhikhi samo kiqi lono hephope nikujo vilo pi.

JONAH 1:9

Pa no pi, “Ni ye Hebrewmi lakhi, eno Ampeu, Khuu azüghi eno qhaike yeghi lhophe keno, kungugha Lhou hu sümsa chekemi.”

Luke 1:59

Atsala akütacheu lo panongu no anu phighüyiko ghave tsüniye saghi, eno anu jeu ghi apu tholono Zechariah kutsü niye shi,

Luke 2:21

Atsala tache thiu kughou anu phighüyiko ghavetsü keno, püzüu pa mishipu mphi lono kungumi no aje tsü ketoi Pa je pesü Jisü kuve tsü.

Luke 5:38

Ikemu atsaiji kithe pesü ahughi kithe lo sümasae.

Apostolmi 22:3

“Ni ye Jewmi, Cilicia lo Tarsus lono punu, ikemu mishighüna hipau lono saputhu, eno Gamaliel pukhuphi lono ni puasü Yezah kiqi lono akighithi ithulue. Ishi nongu kümtsü toi ni ghi Alhou ghenguno müamzü chekemi.

Apostolmi 23:6

Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 6:1

Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

Rommi 11:1

Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

2 Kor. 11:22

Panongu ye Hebrewmi keshea? Ni ghike. Panongu ye Israelmi kea? Ni ghike. Panongu ye Abraham polo kughukomi keshea? Ni ghike.

SAMUEL ATUGHIU 4:6

Kughou Philistiami no ighamku keu sütsa chilu keno, panongu no pi, “Hebrewmi ghazü lo aghügha kije igha akeu ye kiu kiqi kea?” Panongu no Ampeuw Puloshoqhi Bohu aghazü lo ighivae pikeu ithive kelo,