FILIPIAMI 2:2 - Sumi Naga CL (Re-edited) Bible (BSI)

² nongu kükümsü aphiphi, kikimiye aphiphi, kuloni küghüvüi amlo lakhi shikeu lono I lokivi kupu tsülo.

BAIBEL (BSI)

² Tishiaye, nonguno akukumsu aphiphishi, kimiyekeu aphiphishi, kuloni kughuvuyi shi eno akukumsu lakhi shikeu lono ilokivi kuputsulo.

Sümi Tiqhelimi Bible

² akükümsü aphiphi shikeu, kikimiye aphiphi shikeu, aghungu lono lakhi shikeu eno akükümsü lakhi shikeu vechewo I lokiqi kupu tsülo.

FILIPIAMI 2:2 ပူးပေါင်းရင်းမြစ်များ

LESHELE 122:8

I thiküzümi eno I küsami ghenguno I no pini, “Aloino keu nongu gholo alo!”

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Apostolmi 1:14

Hipaqo kümtsü akükümsü lakhi shino tamono akighini shia, panongu gholo totimiqo, Jisü paza Mary, eno pa thiküzümi ae.

Apostolmi 2:1

Kughou Pentecost tsala ighi keno, panongu kümtsü a-a lakhi lo ae.

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

Apostolmi 5:12

Apostolmi no timiqo gholo amchipu eno akümzapu kümla kutomo mla ae. Panongu kümtsü Solomon kisheqho lono kumqo che.

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

2 Kor. 2:3

I no tishi yesü yeve, tishikeu lono kughou I no ighini keno, ni ye I lopivitsü kemi jupe I mloküsapü shimo niye ke, kughengu I lokivi ye nongu lokivi ghi kepi I no mtsüqheino nongu shou pülübelu ani.

2 Kor. 7:7

pa ikighi likhino kumoe ikemu nongu no kishi pa lokughunotsü keno tipa ghengu ghike, eno nongu no kiutoi I sasü kushoni shi, I ghenguno mloqa eno minemighei ani keno pa no ningu vilo pi kelo ni ye alau alovi kitheke.

FILIPIAMI 1:4

I kighini kümtsü lo ni ye alhokuthu nongu ghenguno alokivishi inikhu acheni,

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

FILIPIAMI 2:20

Kughengu pa toi kuchou shi nongu kivipu ghenguno alomsü tsüni kemi ni ye kütami kühae.

FILIPIAMI 4:2

I no Euodia ngo Syntyche pama vilo Ampeu lau juno pulo küqhalu penike hakite ani.

Kolosiami 2:5

Kughengu I phimpi ye nongu gholo küha pinamu aghungu lono ni ye nongu gholo ani, nongu no kithikiyi eno aküpülü lo mtotoi Khristo lau akeu alokivi shi ithuluni shi ani.

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

2 Tim. 1:4

I no o nhezü kipiji kümsülu aye, ni ye alokivi no chhitoi nishi kelauno, o sasü kushoni ke khelho cheni.

Philemon 1:20

Enoma, athiküzüu, ni ye o launo, thime hami ala shinishi ani thono. Khristo lono I ghüthi püxü tsülo.

2 John 1:4

Apu no ningu azah tsüke toi nongu tianuli khami no kuchou küdau cheche keu ithulupe ni ye shishe alovivae.

3 John 1:4

Ni ye I tianuliqo no kuchou küdau chechenie pi chilu keu lokivi nguno akijeu kütau kühae.