EZRA 6:22 - Sumi Naga CL (Re-edited) Bible (BSI)

²² Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

BAIBEL (BSI)

²² Atsala tsuni kutolo panonguno Kholaqhi sumokeu sho Pinye ikhilu. Panonguye alokivino chhitoive kughengu AMPEU no Asiriya Kukatou pelo panoqo shou amlo kiqi shi aghipe ikehu pa pelono Israil Lhou Achine ki shikithe keulo panongu kumlalo kuphulu peke.

EZRA 6:22 ပူးပေါင်းရင်းမြစ်များ

KUKAMI AKINIU 23:29

Pa ghuloki lono Egypt kükau Pharaoh Neco no Assyria kükau lau Euphrates ghoki lo iqhoe. Akükau Josiah no pa sasü aghü shinike wukelo Pharaoh Neco no Megiddo lono pa ithulu kemtsa pithive.

YEKIKITHI AKINIU 23:18

Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

YEKIKITHI AKINIU 30:21

Atsala tsüni kutolo Jerusalem lo timi akeqo no Kholaqhi Sümokeu Ghulhu alokivi kije lono ikhilu eno ghulo atsütsü Levimi ngo achinemi no pano küka kumto lono Ampeu sheqhe.

YEKIKITHI AKINIU 33:11

Tighenguno Ampeu no Assyria ghüshimi shou zatsümi pelo Judah levepe eno akuhoyi pesü Manasseh fuluve no alazayi kichhe no pa tshüpe Babylon lo wuvepe.

YEKIKITHI AKINIU 35:17

Israelmi tile akemi kümtsü tipau tüqhüdo lono Hechekulu pini eno Kholaqhi sümokeu Sho atsala tsüni ikhilue.

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

EZRA 6:1

Tithiu akükau Darius no Babylon lo kükamiw yekümla kiqhi-a lo akiyeqo lhekide penike xaküthaza shive.

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

NEHEMIA 13:6

Tishi akelo ni ye Jerusalem lo kühae, kughengu Babylon kükau Artaxerxes yepe mpe shighi akiniu lo ni ye pa lau wuveke. Ado hami thiu I no akükau vilo azah khuve no

AHOLE 16:7

Kughou milakhi no Ampeu lopu shini keno, Ampeu no pa ghümiu ghi pesü külashitsü cheni.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

EZEKEL 23:23

Babylonmi eno Chaldeami, Pekod, Shoa, Koa, eno Assyriami kümtsü gholono apumi ajukivi, angh, zatsümi, hiyampemi, akighichemi, khurshi küsami kümtsü saighi nani.

MATTHEW 26:17

Kholaqhi sümokeu Sho ghulhu tsala atüghüu lo akhopemi no Jisü lau ighi no pa vilo pi, “No ye ni pelo khileno Hechekulu Ghulhu o ghenguno kutotsü penishi ani kea?”

John 19:11

Jisü no pa khochile, “kunguu no o tsümoke aye no ye I shou aküka kiumu kühani cheke. Tighenguno khuu no I kügha sawo o tsü keno, pa no alau küqüvae.”