EZRA 3:10 - Sumi Naga CL (Re-edited) Bible (BSI)

¹⁰ Kughou akümlami no Ampeu chineki boqha qhaluve keno, achinemi no panongu phimini pepuve no afuko pesü azüu ipeghi, eno Levimi Asaph nuliqo no küghapayi pesü Israel kükau David mijekütsü kiqi lono Ampeu sheqheni ke ighive.

BAIBEL (BSI)

¹⁰ Kughou akumlamino Achineki boqha qhaluve keno achinemino pano phi nhemgha pepuluveno afuko igha nike pesu ngoluve eno Asap lagha Levimino alazayi kuyighanike puthugho ngoluve. David akukauno shipiye ketoi panonguno AMPEU sheqhetsue.

EZRA 3:10 ပူးပေါင်းရင်းမြစ်များ

YEKIKITHI ATUGHIU 15:24

Shebaniah, Joshaphat, Nethanel, Amasai, Zechariah, Benaiah, eno Eliezer, achinemi hipaqo no Alhouw Puloshoqhi Bohu zülono afuko küighani keu shi. Obed-edom ngo Jehiah pama ghi Puloshoqhi Bohu khemi shipe.

YEKIKITHI ATUGHIU 15:27

David ye phepheike phi akivi chijebobo pepusü che, alephemi ngo pano sakipheu Khenaniah, eno Levimi khunoqo no abohu peche keno, panoqo ghi pa toi pepusü che. David ye achinemi phi ephod ghi pucheke.

YEKIKITHI ATUGHIU 16:37

Tishino David no Asaph ngo pa thiküzümi pesü Ampeuw Puloshoqhi Bohu zülono tsalakipetsü hukuthu kümla shipenike tile qhive,

YEKIKITHI ATUGHIU 16:42

Heman ngo Jeduthun pama ye Alhou kimthe lekiphe lo peitha kepu afuko eno küghapayi peche. Jeduthun laghami pesü khagho kikhelo süküsü shive.

YEKIKITHI ATUGHIU 23:5

4,000 no khagho khemi, eno 4,000 no alebo I no Ampeu sheqhe nike ikhiphetsü keqo pesü Ampeu shipilini.”

YEKIKITHI ATUGHIU 25:25

chighiakütsüniu no Joshbekashah mqo pano 12;

YEKIKITHI AKINIU 35:14

Tithiu panongu no pano sala ngo achinemi sala kuto, kughengu Aaron nuli achinemi ye putho kutolo akipti kümllagho ngo atha piti mlla ae. Ikehu Levimi no pano sala ngo Aaron nuli achinemi sala kutoke.

YEKIKITHI AKINIU 35:15

David zakütsü kiqi lono Asaph limi alephemi, Asaph, Heman, eno akükauw tungkupu Jeduthun ye pütüta-a lo ngoe; eno khagho khemi no khaghoqo lo ngoke. Panongu ye pano kümla qhikepu shimoe kughengu pano thiküzümi Levimi no panongu ghenguno kuto tsüke.

YEKIKITHI AKINIU 5:12

Levi lagha lo alephemi kümtsü, Asaph, Heman eno Jeduthun, ngo panongu nuli eno pano thiküzümi no phepheike phimini pepusü ajoshi küghapayi ngo aheo eno akighi lebo pesü, akümlla-khache phivilo kipela küdau, afuko küighami achinemi pano 120 gholo puthugho.

EZRA 2:41

Alephemi: Asaph nuli 128.

EZRA 5:16

Tithiu Sheshbazzar hipau no ighi püzü Jerusalem lo akeu Alhou kilo aboqhaqo ghove, eno tipa ghuloki lono itehi kutolo hipau ye shiqhe ani, ikemu shiqhi mlano aphie.’

LESHELE 150:5

Küghapayi pesü Pa sheqhelo; küghapayi küigha Pa sheqhelo!

HAGAYI 2:15

Tishiaye, ishi no huthusü chhejulo, püzüu Ampeu Chineki shiqhe mphi züu,

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

ZEKHARIA 4:7

O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

ZEKHARIA 7:3

eno aqokitikhi Mpeu chineki lo achinemi ngo tungkupmi vilo pipe, “I no ampe kutomo shi ighive ketoi ni ye aqhi apunguu lo mloqa eno kümvü akepu kemo kea?”

SAMUEL ATUGHIU 22:18

Tileno akükau no Doeg vilo pi, “Nono achinemi pithive lo.” Doeg no tsüghüwo achinemi ghiqhive, pa no tipa tsalani phepheike phi ephod pepu akemi pano lhotache pungu ghiqhive.