EZEKEL 7:23 - Sumi Naga CL (Re-edited) Bible (BSI)

²³ “Ayikichhe iqiphelo! Kughengu ayeghi ye aji pele keu no chhitoivae eno mishighüna ye heqhi buqhi keu no chhitoivae.

BAIBEL (BSI)

²³ “Thwokha kumtsu kubangkeu shi anike, aghakhulo ghikiqhimino chhitoi ani eno aphughilo hekiqhi bukiqhi no chhitoi anike.

EZEKEL 7:23 ပူးပေါင်းရင်းမြစ်များ

KUKAMI AKINIU 21:16

Manasseh no Judah sasü axine lo ilokeu lono panongu pelo Ampeu zülo axine shive peke likhi kumono, pa no amikuchomi kutomo pithive tsükeu ji no Jerusalem halau no halau kutolo qowue.

KUKAMI AKINIU 24:4

eno pa no pimihami ji pele keu ghengu ghi ke. Kughengu pa no pimihami ji no Jerusalem lo pichhive eno Ampeu no tighenguno akipimi qhitsü mlave ke.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 59:3

Kughengu nongu u ye aji no kitiqe püani eno nongu ulotiqo ye akimthe shiamoe. Nongu mütsü lo akimki ani; eno nongu mili no kixikila tsa pike.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

JEREMIYA 2:34

Pimimo kemi kumlhomi no hepho ilo pükamo keghi nongu phiküzü lo pano küxü ji ithulue. Hikithipu shinamu

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

JEREMIYA 27:2

Ampeu no I vilo ishi pi: “Ashiyiko kighi ngo kuokhasü mlano o kuo lo süpulo.

JEREMIYA 40:1

Jerusalem ngo Judah lono ayikichhe no tshüpe Babylon lo akughu shiwu chekeqo gholo Jeremiah ghi cheghi keu ithulu no Nebuzaradan no Ramah lono Jeremiah puwuve, tithiu Ampeu tsa Jeremiah lau ighi.

JEREMIYA 6:7

Azükikhe no azü tsüghükhüi qhitsü keshi, li no li lhoksa xüthilei hekütsü cheni; li gholo ngukangugha ngo kütsakungo keu likhi chilu cheni; küsükini ngo azakuqo ye alhokuthu I zülo ani.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

AKUMLO 3:7

Pa no I boluve eno ayikichhe no I qaqhike ni ye pomlave;

EZEKEL 11:6

Nonguw hekiqhi bukiqhi no küghüsü mishighüna chhivae, eno tipa laghila lo hekiqhi bukiqhi no chhivae.

EZEKEL 12:19

Ayeghi hipau lo timiqo vilo pilo, Ampeu no Israel yeghi lo Jerusalem lo küxümi vilo ishi piani: Panongu no kütakihi panow sho chunani, eno aghüthisü azü yenani. Hipa ghola lono li yeghi lo akeu thime kümtsü xaleve tsü nani, ti ye hipau lo küxümiqo no heqhi buqhi keu ghenguno ke.

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 22:13

“Julo, nongu no amikucho kumo lono ala shilu keu eno nongu gholo aji pele keu lono I no I u be nani.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

EZEKEL 22:9

Nongu dolo aji peleni ye akimki tsa pikemi ani, eno naghutoqo shou iku no chusho chekemi ani; panongu no kipti-toti dolo mithekumo shie.

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

NAHUM 3:10

Ikemu li ye haküghütsüve kemi shive no akughu lo sawuve; li nga kughunuqo ye alapa kümtsü lo aleqhi shi heqhi khave tsüe; liw gihuküzümi ghenguno asaqhi, eno akhotomiqo ye ayikichhe no tshü sawuve.