EZEKEL 5:17 - Sumi Naga CL (Re-edited) Bible (BSI)

¹⁷ I no püqümiye eno tüghashiqo nongu lau puwu nani, eno tipaqo no nongu nuliqo püqapunu nani. Püsa eno aji no nongu shou ighi nani, eno I no azütakikihi nongu shou puku nani. Ni ye Ampeu ke; I no piqhivae.”

BAIBEL (BSI)

¹⁷ Ino akhuava ngo tughashi puwu puzu notianuli heqhivepe nani eno kusukini, ghiqhi heqhi eno aghukishi puwu puzu nongu pithive nani. Ni, AMPEU no pivae.”

EZEKEL 5:17 ပူးပေါင်းရင်းမြစ်များ

KUKAMI AKINIU 17:25

Tile küghüna tüghü lo panongu ye Ampeu msamoe. Tighenguno Ampeu no panongu lau abongshuu puwu no khami tsüqhivepe.

IPEKULU 23:29

Ampe lakhi lono Ni ye panoqo haphemo nani, tikumo aye ayeghi hipau ye küghüküghaleive no tüghashi no nongu nguno kutomo shive nani.

JEREMIYA 15:3

I no panoqo kütsani kemi ajeli bidi süsüni, ipi Ampeu no sheshu: ghiqhi kepu zütakikihi, mikipe wuni keu atsüqo, külhü chuve eno qhoi kütsave kepu aghau eno tüghashiqo.

EZEKEL 14:15

“Tsala I no tüghashi pelo ayeghi hipau lo ighipe no tipaqo no kütsave eno küghüküghaleive tsü aye, eno tüghashiqo ghenguno timi khumu kathasü wumo aye,

EZEKEL 14:19

“Momu I no ayeghi tipau lo timi eno tüghashi ghiqhiveni ye püsa puwu eno I loghu pephe no tipau shou aji pele aye,

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 17:21

Paw ghüshimi poche kemi kümtsü azütakikihi lono ikiqive nani, eno ghükulumi ye amülhü lo kuthole nani, eno Ni ye Ampeu kepi nongu no ithi nani; I no piqhivae.”

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

EZEKEL 21:32

Nongu ye ami lo süküghüpusü shive nani. Nongu ji no ayeghi lo pele nani. Nongu kümsüchilelu move nani, kughengu Ni Ampeu no piqhivae.”

EZEKEL 22:14

I no nongu peithani ke tsalani nongu ye amlo mtolu nani keshea momu nongu u ye mtolu nani keshea? Ni Ampeu no piqhivae, eno I no tishi nani.

EZEKEL 23:47

Aqokitikhi no atu pesü pama veqhi nani eno panoqo zütakikihi pesü pama ghiqhive nani. Panongu no pama pu-angaqo ghiqhive nani eno pama kiqo pitive tsü nani.

EZEKEL 26:14

I no o pesü atuqu lakhi shive tsü nani. No ye akhameqo vesü kepu-a shive nani. No ye khilemu shiqhe puku moae, kughengu Ni ye Ampeu ke; I no piqhivae, ipi Ampeu Alhou no asheshu.

EZEKEL 28:23

kughengu I no li lau püsa ngo ajikuqo puwu nani; azütakikihi no ako kümtsü lono li shou ikughi kelo akumo no li zülo ikiqi nani. Tileno panongu no Ni ye Ampeu kepi ithi nani.

EZEKEL 30:12

I no Nile qhaive tsü nani eno ayeghi pesü kixikilami u lo jesüve tsü nani; inaghami vecheo I no ayeghi eno tile akeu qhoi kütsave tsü nani; Ni ye Ampeu ke; I no piqhivae.

EZEKEL 33:27

Panoqo vilo hi pilo, Ampeu Alhou no ishi piani: I no xü aketoi, mtsüqheino khunoqo no kütsakungo keu-a lo küghüna ani keno azütakikihi lono ikiqi nani, khunono aluza lo ani keno I no tüghashiqo pelo tsüchuve penike tsüve nani, khunono sükusho-a eno atuki lo ani keno püsa lono thive nani.

EZEKEL 37:14

Eno I no I Ghungu nongu shou lepuku nani, nongu ye xüluve nani, eno I no nongu yeghi lo nongu qhinani. Tileno nongu no Ni ye Ampeu kepi ithi nani; I no piqhivae, eno I no tipau shi nani ipi Ampeu no asheshu.”

EZEKEL 38:22

I no püsa ngo ajikuqo pesü pa shou küghatha nani, I no pa ngo paw aqokitikhi eno timi kutomo khunoqo pa gholo ani keno panoqo shou pasapagha tsütsüghu, mürasü, ami eno amichu ghuqhitsü nani.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

EZEKEL 5:16

hi ye I no nongu kütsani ke ghenguno akithipu püqümiye piji, kütsakungo keu piji nongu lau kapuwu kelono, eno püqümiye alau alaushi nongu shou süghi eno nongu lau asho xapughi chekeu lakhave tsü kelono tishi nani.

EZEKEL 6:1

Ampeu tsa I lau ighi:

EZEKEL 6:12

Timi khuu no putou ani keno püsa lono thive nani, khuu no aphivilo ani keno azütakikihi lono ikiqive nani, eno khuu ghülu no xüluni keno püqümiye lono thive nani. I no hitoi panoqo shou I loghu puku nani.

ACHINE 26:22

I no nongu lau tüghashiqo puwu no tipaqo no nongu tianuli, atsüaqu kütsave nani, eno nongu ye timi aghulo likhive nani, nongu laghiqo ye yenguyive nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

ZAKINIU 32:24

panongu ye akhüava no thinani, eno kitixeküsü ngo tüghükupu püsa no püghale nani; I no panongu lau tüghashiqo puwu nani, eno tüghükupu pighi puwu nani.

Piyeküsü 6:8

I no jukelo khurshi phalai keu lakhi aghi. Ti sakicheu je ye Akithi, eno Hades no pa papeche. Ayeghi lo küxümi tushoqü ye pama pelo aghükishi, püqümiye, asa-agha, eno tüghashiqo u lono pithive penike aküka tsüve.