EZEKEL 5:12 - Sumi Naga CL (Re-edited) Bible (BSI)

¹² Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

BAIBEL (BSI)

¹² Owu timi kikije kuthulo lakhiye kusukini ngo akhuava shipuzu aphughi lono thi nani; kikije kuthulo lakhiye aphughi nguno khalauno azutano ghiqhile nani; eno kikije kuthulo lakhi ashekhau huye ino amlhulo halesu nani eno azutakihi pesu panoqo haqhi nani.

EZEKEL 5:12 ပူးပေါင်းရင်းမြစ်များ

ISAIAH 1:24

Tighenguno Ampeu, aqokitikhi MPEU, Israelmiw Akughushuu no shuphe ani: “Ah, I no nongu I ghümi shou I loghu pukuni eno panongu shou amkhü luni.

JEREMIYA 13:24

I no amuu toi nongu kuthole nani asaye mülhü no fupe wuve nani.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 15:2

Panongu no o vilo, ‘Ningu ye khila wuveni kea?’ ipi aye panongu vilo pilo, ‘Ampeu no ishi piani: “‘Püsa no ghaveni kemi no püsa, azütakikihi lono thini kemi no azütakikihi; püqümiye lono thini kemi no püqümiye, akughu lono thini kemi no akughu lono thi nani.’

JEREMIYA 15:9

Anga tsüni paza no miqemleive no ikiqivae; li tsala ye puchou shiaphi lono tsüzüvae; li ye akukujopu eno atichepu shivae. Achili aghi keqo ye pano ghümi zütakikihi lono ikiqive peni, ipi Ampeu no asheshu.”

JEREMIYA 21:9

Khuu no mishighüna hipau lo ani keno azütakikihi, püqümiye, eno püsa lono thive nani, ikemu khuu no Chaldeami nongu khasüpe akeqo lau liqhipe tsüveni keno pa ye xülu nani eno aghüshi lono aküxü pükhalu nani.

JEREMIYA 24:10

Panongu eno pano puasüqo tsükeu yeghi lono qhoi kütsaleve moke kutolo I no azütakikihi, püqümiye, eno püsa panongu shou puku nani.”

JEREMIYA 42:22

Tighenguno mtsüqheino ithilo, nongu no khuno ghakhu lo wunishi ani keno, tilau no azütakikihi, püqümiye, eno püsa lono thive nani.”

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

JEREMIYA 9:15

Tighenguno Israel Lhou, aqokitikhi MPEU no ishi piani: Julo, I no khumtsai keu chuqupu pesü timi hipaqo lojini, eno tüghü zü pesü panongu piyeni.

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

EZEKEL 12:14

Khunoqo no pa homxape ani keno, pa kukuphumi ngo paw ghüshimi ghi kümtsü I no amülhü süvela lo kuthole puwuve nani, eno I no azütakikihi süjope panoqo pape nani.

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 14:19

“Momu I no ayeghi tipau lo timi eno tüghashi ghiqhiveni ye püsa puwu eno I loghu pephe no tipau shou aji pele aye,

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 16:42

Ikehu I no o shou no I loghu ghapiqi nani, eno I mlo kishikumo ye o launo ikhive nani. Ni ye iqüghaive nani eno amloide keu shimove nani.

EZEKEL 21:22

Shoxü ilokepu sübolu ghope qhi, ghiqhini ke ghenguno akichi xükho, ighamkuni ke asütsa süqhe, khagho shoxü ilo kepu sübolu ghope qhi, ayeghi xapuwo amoqhe puku, leluveni ke aqogheqo shiqhe pukuni ke ghenguno pa u ajeu no Jerusalem ghenguno asaqhilue.

EZEKEL 24:13

Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

EZEKEL 33:27

Panoqo vilo hi pilo, Ampeu Alhou no ishi piani: I no xü aketoi, mtsüqheino khunoqo no kütsakungo keu-a lo küghüna ani keno azütakikihi lono ikiqi nani, khunono aluza lo ani keno I no tüghashiqo pelo tsüchuve penike tsüve nani, khunono sükusho-a eno atuki lo ani keno püsa lono thive nani.

EZEKEL 36:19

I no shiye gholo panoqo kutholeve, eno panongu ye aghakhuqo lo apanagha wuve. Pano laghi eno pano kümla kiqi lono I no panoqo shou küghatha ke.

EZEKEL 43:8

Kükami no achineki kisheqho ngo ahukikha tsükucho shipe qhike, ikemu Ni eno nongu dolo akuptu likhi ani. Panongu no kuchhube kütsüla kümla shikeu lono I je kimthe shipixi kehu I no I loghu lono panoqo kütsave ke.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

EZEKEL 5:17

I no püqümiye eno tüghashiqo nongu lau puwu nani, eno tipaqo no nongu nuliqo püqapunu nani. Püsa eno aji no nongu shou ighi nani, eno I no azütakikihi nongu shou puku nani. Ni ye Ampeu ke; I no piqhivae.”

EZEKEL 5:2

Leighi ke tsala kupuve kethiu mishighüna mta lono asa kikije küthü lo lakhi pesü ami no pitive lo. Kikije küthü lo lakhi pesü mishighüna vehomxa ghi azütakikihi no ghitha lo. Eno kikije küthü lo lakhi pesü amülhü lono küzale lo, eno I no panoqo papesü I zütakikihi ikhijo luveni.

EZEKEL 6:8

“Ikemu I no nongu khami püxüpe qhinani. Kughou nongu khami no azütakikihi lono pokalu no shiyeqo dolo eno aghakhuqo lo apanaghaveni keno

EZEKEL 7:15

Azütakikihi ye ashou ani; püsa ngo püqümiye no alou ani. Khuu no aluza lo ani keno azütakikihi lono thive nani, eno khuu no mishighüna lo ani keno püqümiye ngo püsa no munove nani.

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

AMUS 9:4

Aghümi no panongu sasü akughu lo wuve namu, tilauno I no azütakikihi azah tsüno panoqo ghiqhive nani; Alo kelauno kumono alhoksa lono I no thüghüi panongu ju anani.”

AMUS 9:9

“Kughengu Julo, I no azah tsüno shiyeqo dolo Israel shiaye süküthü nani, ti ye akhoje no ijo akeshi ikemu atumüsü mu ijoqhimo nani.

ZEKHARIA 7:14

“I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”

ZAKINIU 28:65

Shiye hipaqo gholo nongu ye iqüghai mla nani, eno nongu pukhu ghenguno akulhokiqhi-a küha nani, Ampeu no akümsa mlo, lajupu kühave keu nhethi, eno aghüthiküsü mlo tsü nani.

Piyeküsü 6:8

I no jukelo khurshi phalai keu lakhi aghi. Ti sakicheu je ye Akithi, eno Hades no pa papeche. Ayeghi lo küxümi tushoqü ye pama pelo aghükishi, püqümiye, asa-agha, eno tüghashiqo u lono pithive penike aküka tsüve.