EZEKEL 5:10 - Sumi Naga CL (Re-edited) Bible (BSI)

¹⁰ Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

BAIBEL (BSI)

¹⁰ Tishikeulo, Jerusalem lo apuazaqono atianuli chu nani eno atianulino pano puazaqo chu nani. Ino oshikighime nani eno khuu puxupe puaghini keno tipaqo aqha kumtsulo hakughutsuve nani.

EZEKEL 5:10 ပူးပေါင်းရင်းမြစ်များ

KUKAMI AKINIU 6:29

Ikehu nikujo küqhano I nu lho chuvae. Eno thoghiu ye I no li vilo pi, ‘O nu chu kepushi, tsülo.’ Ikemu li no anu küsüve.”

NEHEMIA 1:8

Nono O qeu Moses vilo hitoi azah tsükeu kümsülu lo: ‘Tsala nongu no I lau amikucho shimove aye, I no nongu pesü kütami shiye dolo kutholeve nani.

LESHELE 44:11

Nono ningu pesü ghiqhive niye akeu ambe toivepe eno shiyeqo gholo kutholeve.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 9:20

Ajeu no ashi hakholu anamu müzüthi, piyiu no süxachu anamu aghapiqimlae; kümtsü no pütüta tianuli shi chue,

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

JEREMIYA 19:9

I no pano pelo pano pu-angaqo shi chupe nani, aghümi eno pano küxü luve tsünike phuighi kemi no pano khasü luve kelo aveküsa lono panongu no pano kisüghümi shi chunani.’

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.

JEREMIYA 49:32

Panow sayeshiqo ngo pichepighi hakholuve tsülo. Asa ikhonhei ghove keqo sa I no amülhüwo lo küza puwuve nani, I no ako kümtsü lono panoqo amhekiqi süghi nani, ipi Ampeu no sheshu.

JEREMIYA 49:36

I no atsütsü lo ako bidi lono amülhü Elam shou fupuku nani, eno panoqo fupe aqha kümtsü lo puwuve nani. Panongu ye khuno kükaqha lomu ilomo keu kühave nani.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

AKUMLO 2:20

O Ampeu, julo! No ye khuu lau hitoi shiju kea? Totimi ye pano tita lo xathi, atianuli pano no tuchomjo chekeu chuni keshea? Ampeuw akimthe-a lono achineu ngo tungkupu pithini keshea?

AKUMLO 4:10

Küpüqhiyi kemi totimiqo no pano tianuli heqhipe lhoke; Iw timiqo nga kütsale akelo tino pano chuqupu shive.

AKUMLO 4:16

Ampeu no panoqo halevae; Pa ye panongu kihimoae; agigihu pesü achinemi piyemo, kikimiye layemi piye move.

AKUMLO 4:3

Tüngtügha ghi ati pini cheni; panongu no ati tucho cheni, ikemu Iw timiqo nga ye yenguyike-a lo ostrichqo toi ayiküsa ilhouvae.

EZEKEL 12:14

Khunoqo no pa homxape ani keno, pa kukuphumi ngo paw ghüshimi ghi kümtsü I no amülhü süvela lo kuthole puwuve nani, eno I no azütakikihi süjope panoqo pape nani.

EZEKEL 12:15

Kughou I no shiyeqo gholo panoqo hale eno aghakhuqo lo panoqo kuthole puwuni keno panongu no Ni ye Ampeu kepi ithi nani.

EZEKEL 17:21

Paw ghüshimi poche kemi kümtsü azütakikihi lono ikiqive nani, eno ghükulumi ye amülhü lo kuthole nani, eno Ni ye Ampeu kepi nongu no ithi nani; I no piqhivae.”

EZEKEL 20:23

Tinguno alau, asayeqha lono panoqo lau I no tushoqhive, I no shiyeqo gholo panoqo kutholeve nani eno aghakhuqo lo panoqo haleve nani,

EZEKEL 22:15

I no shiyeqo gholo nongu kutholeve nani eno aghakhuqo lo nongu hale puwuve nani, eno I no nongu mithekumo kishekhave tsü nani.

EZEKEL 36:19

I no shiye gholo panoqo kutholeve, eno panongu ye aghakhuqo lo apanagha wuve. Pano laghi eno pano kümla kiqi lono I no panoqo shou küghatha ke.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:2

Leighi ke tsala kupuve kethiu mishighüna mta lono asa kikije küthü lo lakhi pesü ami no pitive lo. Kikije küthü lo lakhi pesü mishighüna vehomxa ghi azütakikihi no ghitha lo. Eno kikije küthü lo lakhi pesü amülhü lono küzale lo, eno I no panoqo papesü I zütakikihi ikhijo luveni.

EZEKEL 6:8

“Ikemu I no nongu khami püxüpe qhinani. Kughou nongu khami no azütakikihi lono pokalu no shiyeqo dolo eno aghakhuqo lo apanaghaveni keno

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

ACHINE 26:29

Nongu no no tianuli heqhi chunani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

AMUS 9:9

“Kughengu Julo, I no azah tsüno shiyeqo dolo Israel shiaye süküthü nani, ti ye akhoje no ijo akeshi ikemu atumüsü mu ijoqhimo nani.

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.

ZEKHARIA 7:14

“I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

ZAKINIU 32:26

“I no qhoi panoqo kütsaveni, timiqo mlo lono panongu shipühave tsüni,” ipi ni ye piluni cheke,

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.