EZEKEL 43:27 - Sumi Naga CL (Re-edited) Bible (BSI)

²⁷ Kughou panongu no atsala hipaqo kupuveni keno, atsala akütacheu nguno hulau ye achinemi no akümlla-khache lono akipti kümllagho eno külakishi kümllagho mllani, eno I no nongu ikhilu nani ipi Ampeu no asheshu.”

BAIBEL (BSI)

²⁷ Kughono tipau tughakhani toveni keno achinemiqoye akiptialo piti mllakeu gho ngo timiqo wu kuposhukulu shi mllakeu gho ishi pesu mllakeu huthulo. Tileno ino nongu kumtsu lau imlo kiqi shi nanike. Ni, Akughushu MPEU no pivae.”

EZEKEL 43:27 ပူးပေါင်းရင်းမြစ်များ

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

EZEKEL 43:26

Panongu no atsala tsüni akiptia shikimthe no kishekimthepe qhiveni.

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

ACHINE 17:5

Hi ye Israelmi pelo khalau no aghakishi lhoxü heqhi süghi mono kuposhukulu phiki lo achineu lau süghi no Ampeu lau külakishi kümllagho shipeniye ke.

ACHINE 3:1

“Milakhi no külakishi kümllagho tsünike Ampeu zülo amishi süghi aye, atsü aqu khikhiu namu tukutiye kühakeu shini.

ACHINE 9:1

Atsala akütacheni Moses no Aaron ngo pa nuli eno kichimi ku,

ACHINE 9:4

külakishi kümllagho ghenguno amshitsü ngo anetsü Ampeu zülono aghashi lo, eno athi kümllagho thazü gholo kiteve keu süghilo, kughengu Ampeu ye ishi nongu lau ipeghini cheni.’”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.