EZEKEL 39:7 - Sumi Naga CL (Re-edited) Bible (BSI)

⁷ “I je kimthe pesü Iw timi Israelmi pelo ithipe nani, eno Ni ye I je kimthe pesü shikitiqe kithe pemo nani. Shiyeqo no Ni ye Ampeu, Israel lo Akimtheu kepi ithi nani.

BAIBEL (BSI)

⁷ Ino iwu timi Israilmi pelo ije kimthe ino mutsuqhei ithiwope nani, eno hinguno hilauye ije pipsa pemo nani. Tileno ni AMPEU, Israil Lhou ye Akimthe kepi ashiayehqono ithi nani.”

EZEKEL 39:7 ပူးပေါင်းရင်းမြစ်များ

LESHELE 103:1

Ampeu sheqhelo, O I ngulho, eno I lolo akeu kümtsü no Pa kimthe je sheqhelo!

IPEKULU 20:7

“Nongu ye adou lono Ampeu nongu Lhou je peitha moni, kughengu khuu no adou lono Pa je peithani keno Ampeu no pa shou akipimi benani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 45:11

Ampeu Israel Lhou Akimtheu, O lhokeu no ishi piani, “Ighini keu vehu I vilo inijulo; no ye I nuli vehu lo eno I kümla vehu lo azah tsü kulupu ani keshea?

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 55:5

Julo, itehi nongu no mtha kemi shiye kupuwu nani; eno shiye nongu mtha kemi no nongu lau po ighi nani, kughengu Ampeu nongu Lhou, Akimtheu Israel Lhou no nongu pesü ajekipipu shive tsüke.”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 36:23

I no I je kimthe khikhi shiyeqo gholo shipixive keno, eno khikhi nongu no panoqo zülono shipixive keno, tipau chipi phuphe nani. Kughou I no nongu vecheo panoqo nhethe lono I kimthe phupheni keno shiyeqo no Ni ye Ampeu kepi ithi nani, ipi Ampeu Alhou no asheshu.

EZEKEL 36:36

Tileno shiye nongu hokümxa lo akeqo no Ni ye Ampeu kepi ithi nani; kütsave keu-aqo ye I no shiqhevae eno khikhi pighive keno tipau lo sübo tsüni shosü kithevae. Ni ye Ampeu ke; I no piqhivae, eno I no tipau shinani.

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

EZEKEL 39:22

Tipau tsala nguno hilau ye Israel kibolomi no Ni ye Ampeu panongu Lhou kepi ithi nani.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

EZEKEL 39:8

Julo, tihu ye cheni eno tipau ye shikupu nani ipi Ampeu Alhou no asheshu. I no pikeu tsala huye tipau ke.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.