EZEKEL 37:23 - Sumi Naga CL (Re-edited) Bible (BSI)

²³ Panongu ye pano julhoqo eno aphikümqhüpu thimeqo momu pano kipimi pesü pano shikitiqe move nani. Ikemu panongu no athiu idewove keu xine lono I no panoqo xalu nani, eno shikimtheve nani; panongu no Iw timi shive nani eno I no pano Lhou shive nani.

BAIBEL (BSI)

²³ Panonguye aphikumqhupu su-atu julho pesu pano likhi panoqo kitiqe kithemove nani momu axineno panoqo shipsave pemo nani. Panonguno axine shichekeu eno ijechu chekeu laghi jeli kumtsu launo ino panoqo kuqhopheve nani. Ino panongu pesu tsughukhui shivetsu nani; panonguye iwu timi shive nani eno ino panoqo Lhou shive nani.

EZEKEL 37:23 ပူးပေါင်းရင်းမြစ်များ

LESHELE 68:20

Ni Lhou ye xakulu Lhou ke, akithi lono xalu chekeu ye Ampeu, Alhou lau ani.

LESHELE 68:35

Alhou ye Pa kimthe-a lo akichiqhipue; Israel Lhou, aküka eno akumto tsükeu huye Pa ke. Alhou shelo!

ISAIAH 2:18

Ajulho kümtsü kishekhave nani.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

EZEKEL 11:18

Eno kughou panongu no tile ighini keno, panongu no tile aphikümqhüpu thime eno kuchhube kütsüla kümtsü ikhive nani.

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 14:11

tishikeu lono Israel kibolomi ye I launo ala vepimive monani momu pano xine vecheo pano shikitiqe monani, ikemu tishikeu vecheo panongu ye Iw timi shilu nani eno I no panoqo Lhou shive nani ipi Ampeu Alhou no asheshue.”

EZEKEL 20:43

Tilau nongu no nongu laghi eno no kümla khipaqo vecheo nongu ampi shikitiqeve keno tipaqo kümsülu nani, eno kixikila khipaqo nongu no mlaithave keno tipaqo kümtsü ghenguno nongu no nongu ampi jupe aphimqhü nani.

EZEKEL 36:31

Tileno nongu no now kixikila laghi, eno akümla lhoksaqo kümsülu nani, no kipimi eno aphikümqhüpu ghenguno nongu no nongu ampi ju aphimqhü nani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

EZEKEL 39:22

Tipau tsala nguno hilau ye Israel kibolomi no Ni ye Ampeu panongu Lhou kepi ithi nani.

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

ZEKHARIA 14:21

Jerusalem eno Judah lo ali kümtsü aqokitikhi Mpeu lau akimthe shi nani, tishianguno aghashi mlla kemi kümtsü no ighi no tipaqo lono ghiqhi mlla keu shi be-lho nani. Tipa ghuloki lo Aqokitikhi Mpeu kilo kilhikishimi kühave nani.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.