EZEKEL 36:33 - Sumi Naga CL (Re-edited) Bible (BSI)

³³ “Ampeu Alhou no ishi piani: Nongu kipimi kümtsü I no shikimthe tsüke tsalani, I no mishighünaqo lo küghüna lupe nani, eno kütsave keu shiqhekithe lupe nani.

BAIBEL (BSI)

³³ Akughushu MPEU no piani, “Nongu xine launo ino nongu shikimtheve kethiuno, ino nongu pelo ixapinyivekeqo shipuku kithelupe nani.

EZEKEL 36:33 ပူးပေါင်းရင်းမြစ်များ

LESHELE 51:2

I kipimi lono I qhukimthe tsülo, eno I xine lono shikimthe tsülo!

ISAIAH 58:12

Mulho lono now kütsapinyive keu phughiqo ye shiqhe kithe nani; eno wovekeu tiqheli boqha ye itaghi shiqhe kitheve nani; nongu ye aliwo shikithe kemi, alaghila shikithe kemi kepi ku nani.

ISAIAH 61:4

Panongu no khaghi lono ixapinyive keu shiqhekithe nani; wovekeu ghuloki lono kütsakungove keu shiqhekithe nani; panongu no khaghilo mishighüna ixapinyive keqo shiqhekithe nani; Tipaqo ye tiqheli kutomo züuno kütsakungove keqo ke.

JEREMIYA 32:43

Ayeghi hipau lo alu qhüchilelu nani, tipa ghenguno nongu no pike, ‘Hi ye pighive no timi na tüghashi mu kühavae; Chaldeami u lo süve tsüae.’

JEREMIYA 33:10

“Ampeu no ishi piani: A-a hipau khikhi nono, ‘Hi ye pighive no timi ngo tüghashi mu kühavae,’ ipi cheni keno, Judah phughi eno Jerusalem laghila pighive no timi na tüghashi mu tile xüni kemi kühave keu-a lono itaghi hipaqo chilu nani

JEREMIYA 33:8

Panongu no I shou axine shikeu kipimi kümtsü I no shikimtheve tsü nani, eno I hekibide kipimi xine kümtsü qhivetsü nani.

EZEKEL 36:10

I no Israel kibolomi kümtsü kughuko tsü nani. Mishighünaqo ye küghünauve nani eno kütsape akeqo-a ye shiqhe puku nani.

EZEKEL 36:34

Pighive keu yeghi ye, kathawu chekemi kümtsü nhethe lo küghüküghalei apenike züqhulo mlaphelu keu yeghi shivepe nani.