EZEKEL 36:27 - Sumi Naga CL (Re-edited) Bible (BSI)

²⁷ Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

BAIBEL (BSI)

²⁷ Ino ighungu nongu lolo sutsu nani eno ino ayezah ngo ahza nongu tsupuakeu nonguye pelu eno papelu ani kemo keno ino jutsu nani.

EZEKEL 36:27 ပူးပေါင်းရင်းမြစ်များ

LESHELE 105:45

tishianguno panongu pelo Pa zakütsüqo qhilu eno Pa yezah pape peniye ke. Ampeu sheqhelo!

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:40

I no panongu sasü lhokta puloshoqhi shinani, Ni ye panongu kivipu kümla shini keu lono tsüghüve monani. Panongu mlo lo I sümsani keu I no sütsü nani, ikehu panongu ye I launo tsüghüve monani.

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 37:14

Eno I no I Ghungu nongu shou lepuku nani, nongu ye xüluve nani, eno I no nongu yeghi lo nongu qhinani. Tileno nongu no Ni ye Ampeu kepi ithi nani; I no piqhivae, eno I no tipau shi nani ipi Ampeu no asheshu.”

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

EZEKEL 43:11

Eno panongu no pano xine ghenguno kujove aye, panongu pelo achineki kogheküghü ithi pelo, tipau ikipe ikulo laghi, kogheküghü kupuju ithi pelo; eno panoqo pelo tipau khuayeqo, kogheküghü kupuju eno ayezah kümtsü ithi pelo, pano nhethe lono ti kümtsü yesüpe qhilo, tishianguno panongu no tipa khuaye kümtsü papelu nani.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

Rommi 8:9

Tishimu Alhou Ghungu no nongu lolo aghi aye, nonguu ye ashi lono kumono Aghungu lono xücheni. Khukhumu Khristo Ghungu küha keu ye Pa laumi kumoe.

1 Kor. 3:16

Nongu ye Alhou chineki eno Alhou Ghungu no nongu lolo acheni kepi mtha keshea?

Galatiami 5:16

Ikemu I no piani, Aghungu lono chechelo, tishiaye nongu ye ashi lo kimne ghakiqipu shimo nani.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

ZAKINIU 30:8

Nongu no itaghi Pa gholu kithe eno ishi tsala lo I no azah tsü akeu kümtsü pelu nani.

Kolosiami 2:6

Tighenguno nongu no Khristo Jisü ye Ampeu kepi ikhiluve ketoi, pa gholo cheche lo,

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 John 3:24

Khukhumu Alhou zakütsü pape kemi ye Pa lau xükimelu ani, titoi Alhou ghi pa lolo ani, eno hipau lono Pa no tsükeu Ghungu huno ningu sasü xükimepe acheni kepi ningu no ithi ani.

2 John 1:6

Kikimiye ye hipau ke: ningu ye Alhou zakütsü kiqi lono cheche masae. Nongu no abothu lono chiluve ketoi azakütsü hipau tsükeu ye nongu pelo tipau lo cheche peniye ke.