EZEKEL 36:18 - Sumi Naga CL (Re-edited) Bible (BSI)

¹⁸ Ikehu panongu no ayeghi lo aji pelekeu ghenguno, asüatu julho vecheo panongu no tipau shipixive ke ghenguno I no I loghu panoqo shou lepukue.

BAIBEL (BSI)

¹⁸ Panonguno aghakhulo ghiqhi heqhikeu eno asu-atu julho pesu tipau shipixiveke ghenguno ino panoqo pelo iloghu kighide pupeke.

EZEKEL 36:18 ပူးပေါင်းရင်းမြစ်များ

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

YEKIKITHI AKINIU 34:26

Ikemu Judah kükau khuu no Ampeu lau ighijuni ke nongu pesü I lau puwu keno, pa vilo ishi pilo, Nono chiluve keqo tsa vehulo Ampeu Israel Lhou no ishi piani,

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

AKUMLO 2:4

Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 14:19

“Momu I no ayeghi tipau lo timi eno tüghashi ghiqhiveni ye püsa puwu eno I loghu pephe no tipau shou aji pele aye,

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

EZEKEL 22:20

Milakhi no ghükayi, alazayi, ayi, aküsayi, eno tinyi pesü ayi kiyiqi miküqü lo xukumqo no ami lono tipaqo piti niye fuake toi I mlokighide eno I loghu lono I no nongu xukütsü nani, eno I no tile nongu vesüve no pitive nani.

EZEKEL 22:22

Ayi kiyiqi miküqü lono ghükayi pitive ketoi, nongu ye tipau lono pitive nani, eno Ni ye Ampeu kepi nongu no ithi nani; I no I loghu nongu shou lepuku nani.”

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

EZEKEL 33:25

Tighenguno panoqo vilo pilo, Ampeu Alhou no ishi piani: Nongu no aji pusüsü keu shi chu, nongu nhethi no ajulhoqo ju, eno aji peleke; tishiaye nongu ye ayeghi amheghi shilu nani keshea?

EZEKEL 39:23

Israel kibolomi no pano kipimi ghenguno akughu lo wuve kepi shiyeqo no ithi nani, kughengu panongu no shishe I pishiqhi keu lono I no panoqo launo I gi küsüve no panoqo pesü aghümi u lo phesüve tsüke, eno kümtsü azütakikihi vecheo ikiqive ke.

EZEKEL 7:8

Itehi ye I no mtazü nongu shou I loghu pukuni eno I mlokighide nongu shou pukuni, nongu laghi kiqi lono nongu lau küghathani, nonguw aphikümqhüpu kümtsü ghenguno I no nongu ghime nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.