EZEKEL 34:27 - Sumi Naga CL (Re-edited) Bible (BSI)

²⁷ Aluza lo asüboqo no axathi pithi nani, ayeghi no ikoishe athi pithi nani, eno panongu ye pano yeghi lo sükusho lono anani. Kughou I no panow kuokhasü hephove eno panoqo qhasüpe akemi u lono xaphe luni keno panongu no Ni ye Ampeu kepi ithi nani.

BAIBEL (BSI)

²⁷ Asubono axathi pithi nani, alulo axabo ipeghi nani eno timi kumtsu pututa lulo ithamono xulu nani. Kughou ino iwu timiqo tshupuakeu yikichhe suthavetsu puzu panoqo kughapesu aquaxemi shipekemi launo iwu timiqo kuqhophe nikeno tileno niye AMPEU kepi panonguno ithi nani.

EZEKEL 34:27 ပူးပေါင်းရင်းမြစ်များ

JOB 5:23

Kughengu o lulo atu akeqo ye o pünaqhimo nani, eno aluza lo tüghashiqo no o sasü külakishi lono anani.

LESHELE 67:6

Ayeghi no ghile kighishe lupe; Alhou, ni Lhou no ningu kümghatsü nani;

LESHELE 85:12

Iyei, kiu no akivi keno Ampeu no tsü nani, eno ningu yeghi lo tipau ikoishe ghile hulu nani.

AHOLE 3:24

Nono akulhoqhi anamu msamo, eno zü akelo aloinoqhiyi nani.

ISAIAH 10:27

Tipa ghuloki loye nongu bighi lono Assyriami makho ikhivetsü nani; nongu kuo lono kuokhasü ikhipe hechheve tsü nani. Panongu ye Rimmon lono wuve nani.”

ISAIAH 35:9

Abongshuu momu ayiküsa tüghashi mu tilehi ighimo nani; tipaqo lakhimu ithumla nani ikemu xachile luve kemi no ti püla nani.

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 9:4

Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

JEREMIYA 2:20

“Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 25:14

Kughengu shiye kutomo eno kükamiqo no pano küghape aqüaxemi shinani, I no panongu kümla eno panongu u no mlakeu kiqi lono lochile nani.”

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 30:8

“Tipa ghuloki lo hitoi shinani, aqokitikhi MPEU no sheshu, I no kuokhasü panongu kuo lono hephove tsü nani, pano kütsüghaqo pitive tsü nani, eno panongu ye inaghami qeu shimove nani.

EZEKEL 28:25

“Ampeu Alhou no ishi piani: Kughou I no ashiaye gholo kuthole puwuve keqo Israel laghami hekütsü luve no shiyeqo nhethe lono I kimthe panoqo gholo pephe piyeni keno, tileno I no I qeu Jacob tsükeu yeghi lo panongu no küghünauve nani.

EZEKEL 30:18

Kughou I no Egypt kuokhasü hephove tsüni keno, Tehaphnehes lo tsüküvü no tsüküzü shive nani, eno li kumto qheküza ye kishekhave tsü nani; li ye khüngküsü no küzüve nani, li ngaqo ye akughu lo wuve nani.

EZEKEL 33:29

Kughou panoqow aphikümqhüpu ghenguno I no ayeghi pesü küghüküghaleive tsüni keno tileno panongu no Ni ye Ampeu kepi ithi nani.

EZEKEL 34:10

Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 34:29

I no panoqo ghenguno akighiche ghutu tsü nani tishikeu lono panongu ye pano yeghi lo akhüava shimo, eno shiyeqow küthakügha xapumo nani.

EZEKEL 36:29

I no now mithekumo lono nongu xalu nani. I no ashothi kupukuno shi nongu tsü nani eno püqümiye kiumu nongu shou bemo nani.

EZEKEL 36:30

I no asübo lo axathi eno aluza lo tüxatini kupukuno shi ikoishe lupe nani, tishikeu lono nongu ye khilemu shiyeqo gholo püqümiye kukujopu shimo nani.

EZEKEL 36:8

“Ikemu, O Israel lo naghutoqo, nongu no nongu loka lono mini ipeghi nani eno Iw timi Israelmi ghenguno nongu xathi pithi nani, kughengu panongu ye kighithe aki lo ighive nani.

EZEKEL 38:11

eno ishi pi nani, ‘I no aliwo kühakeu yeghi lo wuno aphuqo lewuni. Timi khunoqo aliwo kühakeu lo küghüna cheni, eno akhadu momu khagho kiumu kühakeu lo iqüghai sükusho qholo acheni keno, tipaqo leni,’

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

EZEKEL 39:28

Tileno panongu no Ni ye Ampeu pano Lhou kepi ithi nani, kughengu I no panoqo pesü shiyeqo gholo akughushi puwuve eno tithiu no pano yeghi lo panoqo hekütsü kumqo ke. Ni ye shiyeqo gholo panongu lakhimu qhivemo nani.

EZEKEL 47:12

Aghoki xüsa hikukuu eno hukukuu achuqupu shi penike asübo jeli thuipeghi nani. Tipaqo nipa ye ighüivemo momu athi pithi-ixivemo nani, ikemu aqhi atsütsü axathi anileshi pithi nani, kughengu tipaqo ghenguno akimtheki lono azü qoighi nani. Tipaqo xathi no achuqupu shi nani, eno anipaqo no shikipivi ghenguno peitha nani.”

HOSIYA 11:11

panoqo no khokhoshi Egypt lono aghau toi ighi nani, eno miqhedu toi Assyria yeghi lono ighi nani, I no aki lo panoqo puwove nani, Ampeu no asheshu.

HOSIYA 2:20

I no pükhükulu lono no inisü nani. Eno nono Ampeu ithive nani.

ACHINE 26:13

Ni ye Ampeu khuu nongu pelo aqüaxemi shipe moniye Egypt lono saipeghi keno, nongu Lhou huke. I no now kuokhasü kuboleve tsüno nongu pelo akütsü peqhepe chewulu peke.”

ACHINE 26:4

I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.