EZEKEL 34:26 - Sumi Naga CL (Re-edited) Bible (BSI)

²⁶ I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

BAIBEL (BSI)

²⁶ “Ino panoqo kumghatsu nani eno panoqo pelo iwu akimthe toghi sumxa xupe nani. Tilauno ino tsutsughu ghuqhitsu puzu panoqo kumghatsuni, kugho kughomu panonguno tipau avehupu shikelo ino tsunike.

EZEKEL 34:26 ပူးပေါင်းရင်းမြစ်များ

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 9:16

Kughou milisü no khüngküsü lo ngoni keno, I no tipau juno Alhou ngo ayeghi lo aküxüküa lhoxüqo dolo alholo puloshoqhi akeu hu kümsülu nani.”

LESHELE 133:3

Ti ye Hermon tsüzü khikhi Zion naghuto lo qipuku cheni keno tipau toike! Kughengu tileno Ampeu no shekhaha küxü kükümgha tsünike piqhike.

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 68:16

Alhou no Paw timi kungo-a shipenike kümsü akeu naghuto shou, iyei, Ampeu no tile alholo acheni, O atoghi kutomo akeu naghuto, kushiye no ye kimthikile ti ju ani kea?

LESHELE 68:9

O Alhou, Nono pofushi tsüghuqhi tsüe; O mheghi no qhai-ghoi akelo Nono athoputho tsüe.

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

ISAIAH 19:24

Tipa tsala lo Israel ye Egypt ngo Assyria gholo kümghülu ghi ayeghi lo akümghapu shiye shi nani,

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 32:20

nongu khuu no azü phivilo xusü eno amishi ngo khurha kuqhope kighilini keno alokivipue.

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

EZEKEL 20:40

“Ampeu Alhou no asheshu, kughengu Iw akimthe naghuto, Israel naghuto kiqhe shou no Israel kibolomi kümtsü, panoqo kümtsü, tilau ayeghi hipau lono I qe nani. Tilau no I no panoqo ikhilu nani, eno tilau no I no nongu süqha-süli eno akighiche gho gholono now akimthe kümllagho kümtsü avehupu shi nani.

EZEKEL 34:14

I no atsüni kümtsha-a kivi lono panoqo loji nani, eno Israel lo naghuto kiqhe-a pesü panoqo sala achu kümza-a shivetsü nani. Panongu no tilau achu kümza yeghi lo ihozü nani, eno atsüni kümtsha-a kivi lono panongu loji nani.

EZEKEL 34:29

I no panoqo ghenguno akighiche ghutu tsü nani tishikeu lono panongu ye pano yeghi lo akhüava shimo, eno shiyeqow küthakügha xapumo nani.

EZEKEL 36:8

“Ikemu, O Israel lo naghutoqo, nongu no nongu loka lono mini ipeghi nani eno Iw timi Israelmi ghenguno nongu xathi pithi nani, kughengu panongu ye kighithe aki lo ighive nani.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

ACHINE 25:21

I no ampe akütsüghou lono Iw kükümgha nongu shou ighi penike azah tsüno ayeghi no ampe küthü kutolo achuqupu lukümkha shipe nani.

ACHINE 26:4

I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

ZEKHARIA 10:1

Tsülü tusho lo Ampeu vilo tsütsüghu khulo, Pasapagha puwu chekeu ye Ampeu no ke, Pa no timiqo tsütsüghu tsü nani, aluza lo atsüni pesü kümtsü tsü.

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

Apostolmi 14:17

Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.