EZEKEL 33:24 - Sumi Naga CL (Re-edited) Bible (BSI)

²⁴ “Timi nu, Israel yeghi kütsave keu lo küghüna akeqo no pi ani, ‘Abraham ye pa likhie, ikeghi pa ye ayeghi amheghi shilue; ikemu ningu ye kutomoe; mtsüqheino ayeghi ye amheghi shi penike ningu tsüvae.’

BAIBEL (BSI)

²⁴ “Thinikuau timio, Israil lo aphughi ixapinyive keulo timi akeqoye ishi piani: ‘Abraham ye timi lakhi likhike, eno ayeghiqha kumtsu pa tsupuanike. Ninguye timi kutomo anike, itehi ayeghiye ningu wu ake.’

EZEKEL 33:24 ပူးပေါင်းရင်းမြစ်များ

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

JEREMIYA 39:10

Kepten Nebuzaradan no tipa ghuloki lo kumlhomi khami kiumu küha kemi Judah yeghi lo panoqo pelo atsailu eno alu chilu penike qhive.

JEREMIYA 40:7

Kughou aghakhu lo zatsümi eno panow timiqo no Babylon kükau no Ahikam nu Gedaliah pesü pano yeghi lo angh shi penike süsüve no Babylon kughu lo sawumo kemi kumlhomi jukütsü penike pichevae pi chilu keno,

JEREMIYA 41:7

Panongu no aphughi alou iloghi kelo, Ishmael ngo paw timiqo no panoqo ghiqhive no asükumo pesü atughuko lo vesüve.

EZEKEL 11:15

“Timi nu, o thiküzümi, o bolomiu ghi, Israel laghami kümtsü ghili Jerusalem lo küxümi no ishi pivae, ‘Ampeu launo putosüve lo; ayeghi hipau ye amheghi shi ningu tsüvae.’

EZEKEL 33:23

Ampeu tsa I lau ighi:

EZEKEL 33:27

Panoqo vilo hi pilo, Ampeu Alhou no ishi piani: I no xü aketoi, mtsüqheino khunoqo no kütsakungo keu-a lo küghüna ani keno azütakikihi lono ikiqi nani, khunono aluza lo ani keno I no tüghashiqo pelo tsüchuve penike tsüve nani, khunono sükusho-a eno atuki lo ani keno püsa lono thive nani.

EZEKEL 34:2

“Timi nu, Israel lo ambekhemi shou tungkuptsa pilo: panoqo vilo tungkuptsa pilo, ambekhemi vilo pilo, Ampeu Alhou no ishi piani: Ya, Israel lo ambekhemi ye nongu ampi loji auvae! Ambekhemi ye ambe loji kepu ke kumo keshea?

EZEKEL 36:4

tighenguno, O Israel lo naghutoqo, Ampeu Alhou tsa inilo: Ampeu no naghutoqo ngo atoghiqo, aghokitiqo ngo akhilaqo, küghüküghalei akeqo ngo pighive keu mishighünaqo, khikhi shiye hokümxa lo akeqo no küthakügha shi ani keno tipaqo vilo ishi piani,

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

Luke 3:8

Aküxü xaidelu keu michipu shi axathi pithilo. Nongu dolono, ‘Abraham no ningu pasüe,’ ipi kevilo. Kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

John 8:33

Panongu no pa khochile, “Ningu ye Abraham laghami eno khuno qüaxemi mu shimphi. Ike kishino no ye ‘Nongu khaqhiphe nani’ ipi ani kea?”

John 8:39

Panongu no Jisü khochile, “Ningu papu ye Abraham ke.” Pa no panoqo vilo pi, “Nongu no Abraham tianuli keaye pa no mlakeu nongu ghi shiniche,

Apostolmi 7:5

Ikeghi tile apukhu kinepu-a mu pesü pa mheghi shi tsümoe, eno pa no anu küha keghi ayeghi pesü pa eno pa polo kughukomi mheghi shitsüni kepi tushoqhie.

Rommi 4:12

tihutoi itaghi khunono aphighüyiko ghaveke likhi kumono aküpülü lo ghi ni pu Abraham no ayiko ghamphi lo cheche keu nepa lo cheghini keno, panoqo papu ghi shipeniye ke.

Rommi 9:7

eno Abraham polo kughukomi shi aghi kehu kümtsü no pa tianuli ke kumoe, ikemu “Isaac vecheo ighi kemiu no o polo kughukomi kepi kihini,” ipike.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.