EZEKEL 32:24 - Sumi Naga CL (Re-edited) Bible (BSI)

²⁴ “Elam ye tilau ani, eno liw aqokitikhi ye li sükumo vehope ani; panoqo kümtsü ghiqhivae, azütakikihi lono ikiqivae eno khunono küxümi yeghi lo kichi kümsa chekeno panongu ye aphighüyiko ghamo no akuthoku lo iqivae; eno kithimi yeghi lo wuve kemi gholo panongu ye pano kukujo xapu wuvae.

BAIBEL (BSI)

²⁴ “Elam ye tilau ani, liwu ghushimiqo kumo-a ye aqha kumtsulo ani. Panongu kumtsu aghushi lono thiveke, eno panonguye aphighu yiko ghamono kithimi yeghiqhalo iqike. Xuakelo panonguno pughuqhikeu vechhoke ikemu itehi panonguye thive puzu kujomza kepushi ihozu ani.

EZEKEL 32:24 ပူးပေါင်းရင်းမြစ်များ

BOTHUBO 10:22

Shem nuliqo: Elam, Asshur, Arpachshad, Lud, eno Aram.

BOTHUBO 14:1

Shinar kükau Amraphel, Ellasar kükau Arioch, Elam kükau Khedorlaomer, eno Goiim kükau Tidal noqo ghuloki lo,

YEKIKITHI ATUGHIU 1:17

Shem nuliqo: Elam, Asshur, Arpachshad, Lud, eno Aram. Eno Aram nuliqo: Uz, Hul, Gether, eno Meshech.

JOB 28:13

Timi ye alokütsü meküa ithi chemoe, ti ye küxümi yeghi lono phulu chemoe.

LESHELE 142:5

O Ampeu, I no O lau ighamku ani; I no pi, “küxümi yeghi lo No ye I küghütshü-a, I saje ke.”

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 38:11

I no pi, ni ye küxümi yeghi lo Ampeu ithulu no mlla lumae; ni ye ayeghi lo küami ithulumae.

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 25:25

Zimri kükami, Elam kükami, eno Media kükami kümtsü;

EZEKEL 16:52

No ghi ow küthakügha puqhelo, kughengu o tsünipulimi züqhushi nono chhosüke. O xine khipaqo vecheo nono panongu nguno alau aphikümqhüpu shi mlave keno tipaqo ghenguno panongu ye o nguno alau achipiu lo anie. Ikehu no ghi kujolo eno ow küthakügha puqhelo, kughengu nono o tsünipulimi pelo amikucho toi ithulupe ke.

EZEKEL 16:54

tishikeu lono no ye ow küthakügha xapu eno nono mlakeu kümtsü ghenguno kujove nani, tihuno panoqo lau alopiqikütsü lakhi shilu nani.

EZEKEL 26:20

tileno I no o pesü khaghi no akuthoku lo ilove keqo gholo puwuve nani, eno ayeghi qhou khaghi no kütsave keqo gholo o pelo küghünape nani; tishikeu lono o ghakhu ye küghüna kithepe moveni; ikemu I no küxümi yeghi lo jukivi kutope qhitsü nani.

EZEKEL 31:14

Hi kümtsü shikeu ye azü no vapütsü puthu keu süboqo kiumu chuqumghai thuiku khüngküsü topemo, eno kiukiu sübo namu azü itsülu keu ye thuiku tipaqo tolupe moniye ke. Kughengu tipaqo ye kümtsü ayeghi qhou, timi nuli khunoqo no akithi yeghi lo ilove akeno panoqo gholo thive penike ikhiphe tsüvae.

EZEKEL 31:18

“Imaye Eden süboqo dolo ajekipi eno akughushu gholo no ye khikhiu toi kea? No ye Eden süboqo gholono ayeghi qhou sailove nani. No ye azütakikihi lono ghiqhive kemi, aphighüyiko ghamo kemi gholo ngove nani. “Hi ye Pharaoh eno paw aqokitikhi kümtsü ghenguno, ipi Ampeu Alhou no asheshu.”

EZEKEL 32:18

“Timi nu, Egypt aqokitikhi shou mloqa lo, eno li ngo akumto shiye ngaqo ghi khunoqo no kithimi yeghi lo iqive akeno panoqo gholo piqive lo:

EZEKEL 32:19

‘Nongu ye khunow jukivi shoqalu kea? Iqive lo eno aphighüyiko ghamo kemi gholo akulho qhivelo.’

EZEKEL 32:21

Kithigha lono aghütomi no panoqo eno pano kukuphumi ghili pi nani: ‘Panongu ye iqighivae, panongu ye aphighüyiko ghamo kemi, khunoqo ghüyi lono wove keno panoqo gholo ihozü ani.’

EZEKEL 32:25

Ghiqhive kemi gholo panongu no li lüpa mlatsü, liw aqokitikhi no li sükumo vehope ani, panongu kümtsü aphighüyiko ghamo kemi, azütakikihi no ghiqhive kemie; kughengu xüküami yeghi lo panongu no kichi kümsa keu veküpha ke, eno akuthoku lo iqive kemi gholo panongu no pano kukujo xapu ke; panongu ye ghiqhive kemi gholo ngovae.

EZEKEL 32:30

“Ahuu kükapumi ye tilau ani, eno Sidonmi kümtsü pano kumto vecheo kichi kümsa keu ghenguno akukujopu shi ghiqhive kemi gholo iqivae; panongu ye aphighüyiko ghamo no ghiqhive kemi gholo ani, eno akuthoku lo iqive kemi gholo pano kukujo xapu ani.

EZEKEL 34:29

I no panoqo ghenguno akighiche ghutu tsü nani tishikeu lono panongu ye pano yeghi lo akhüava shimo, eno shiyeqow küthakügha xapumo nani.

EZEKEL 36:15

I no nongu pelo shiyeqow küthakügha chilu pemove nani, nongu ye ashiayeqow küthakügha xapu move nani eno no shiye pelo küpxalu pemo nani, Ampeu Alhou no asheshu.”

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

EZEKEL 44:13

Panongu ye achinemi shi I qenike I kupunu ighimo nani momu Iw akimthe thime khikhi ighono akimthe keno tipaqo kupunu ighimo nani, ikemu panongu ye pano kukujo eno aphikümqhüpu shive keqo xapu nani.

DANIEL 8:2

I no kungunhetsü lono ithulu; kughou I no ju keno, ni ye Susa lo aliwo, khikhi Elam ghakhu lo ani keno, tile ngoae. Eno I no kungunhetsü lono ithulu ke ni ye Ulai züla lo ngoae.

HABAKUK 2:16

No ye ajekipi züqhulo akukujou no chhitoive nani. Nou no shoalo, eno o phighüyiko ghamo keu piyelo! Ampeu u ajeu akeu jukhu ye idechilesü o lau ighi nani, eno shishe akukujopu no o jekipipu nhavetsü nani!

MATTHEW 11:23

Eno no, Capernaum, no ye atsütsü kutolo o süqheni shi ani kea? No ye Kithigha lo sünhe piqive nani. Kughengu o lau akümzapu kümla shikeu no Sodom lau shipüaghi keaye, tipa phughi ye ishi kutolo puthugho aghini cheke.