EZEKEL 31:18 - Sumi Naga CL (Re-edited) Bible (BSI)

¹⁸ “Imaye Eden süboqo dolo ajekipi eno akughushu gholo no ye khikhiu toi kea? No ye Eden süboqo gholono ayeghi qhou sailove nani. No ye azütakikihi lono ghiqhive kemi, aphighüyiko ghamo kemi gholo ngove nani. “Hi ye Pharaoh eno paw aqokitikhi kümtsü ghenguno, ipi Ampeu Alhou no asheshu.”

BAIBEL (BSI)

¹⁸ “Asubo huye Ijip kukau ngo pawu timiqoke. Eden lo asuboqo namu titoi chuqumghai eno kije kumoe. Ikemu itehiye Eden suboqo toi tiye kithimi yeghiqhalo iqive nani eno mithemokemi ngo aghukishi lono thivekeqo gholo kumtsa acheuvenike. Ino piveake,” ipi Akughushu MPEU no pi.

EZEKEL 31:18 ပူးပေါင်းရင်းမြစ်များ

SAMUEL AKINIU 1:20

Gath lo hipau pi kevilo, Ashkelon laghila lo hipau asheshu kevilo, tikumo aye Philistiami ilimi no alovi aphighüyiko ghamo kemi no alokivi shilu nosae.

YEKIKITHI AKINIU 28:22

Paw shiluküsa ghuloki lono pa ye alau Ampeu lau amikucho shimove, hi ye akükau Ahaz ghili pi anike.

LESHELE 52:7

“Alhou ijemo no pa küakini tule-pele akeu shou pükhübe, eno pa kütsakungove kepu ije wuve keu timi hu julo!”

EZEKEL 28:10

No ye inaghami aphighüyiko ghamo kemi u lono thive nani; kughengu I no piqhivae ipi Ampeu Alhou no asheshu.”

EZEKEL 31:14

Hi kümtsü shikeu ye azü no vapütsü puthu keu süboqo kiumu chuqumghai thuiku khüngküsü topemo, eno kiukiu sübo namu azü itsülu keu ye thuiku tipaqo tolupe moniye ke. Kughengu tipaqo ye kümtsü ayeghi qhou, timi nuli khunoqo no akithi yeghi lo ilove akeno panoqo gholo thive penike ikhiphe tsüvae.

EZEKEL 31:16

Tipau ikiqi keu ghügha mtsa I no shiyeqo pelo ithape ke, ti ye aqo lo ikiqi ilove keqo gholono I no tipau Kithigha lo vesüve ke. Eno Eden lo asübo kümtsü, Lebanon sübo kishekiphe eno akiviu khikhi azü no pütsü cheni keno tipaqo ye ayeghi qhou alokughuno shive.

EZEKEL 31:2

“Timi nu, Egypt kükau eno paw aqokitikhi vilo pilo: “O kughushu ye khuu mihi kea?

EZEKEL 31:8

Alhou ghutu lo cedarboqo ye tipau sasü kimghi mlae, momu asahu sübo ye tipau sasü aqhemi shimlae; fir süboqo ye pa loka toimoe; Alhou ghutu lo asübo lakhimu titoi jukivi kühae.

EZEKEL 31:9

I no tipa lokaqo sükhotsü eno jukivi shitsüe, Alhou ghutu lo Eden süboqo kümtsü no tipau jumine ke.

EZEKEL 32:10

I no timi kutomo pelo o jupe apuchopungope nani, eno kughou I no panoqo zülo I zütakikihi pepheni keno panow kükami no o jupe thüghüi kelauno akütsüsa itho nani. Ow vekiqhi tsalani, timi kümtsü pütüta küxü ghenguno atüqhüdo kümtsü lo khokhoshi nani.

EZEKEL 32:19

‘Nongu ye khunow jukivi shoqalu kea? Iqive lo eno aphighüyiko ghamo kemi gholo akulho qhivelo.’

EZEKEL 32:21

Kithigha lono aghütomi no panoqo eno pano kukuphumi ghili pi nani: ‘Panongu ye iqighivae, panongu ye aphighüyiko ghamo kemi, khunoqo ghüyi lono wove keno panoqo gholo ihozü ani.’

MATTHEW 13:19

Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

1 Kor. 10:14

Tighenguno, I no kimiye chekeqo, ajulho kümlla lono povelo.

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”