EZEKEL 25:13 - Sumi Naga CL (Re-edited) Bible (BSI)

¹³ Ampeu Alhou no ishi piani, I no Edom shou I u chho nani eno timi na tüghashi namu kütsave nani. I no tipau pesü küghüküghaleive tsü nani; Teman lono Dedan kutolo azütakikihi lono ikiqive nani.

BAIBEL (BSI)

¹³ Tighenguno ino asheshuve anike ino Edom ghimeqhi nani eno tilehi timi kumtsu, lhoxu kumtsu pithivetsu nani. Ino Teman phughi lono Dedan phughi kutolo kughukughaleive tsu nani.

EZEKEL 25:13 ပူးပေါင်းရင်းမြစ်များ

BOTHUBO 36:11

Eliphaz nuliqo no Teman, Omar, Zepho, Gatam eno Kenaz.

BOTHUBO 36:34

Jobab thive, eno Teman yeghi lo Husham no pa-a lo kaluve.

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

LESHELE 138:7

I no aveküsa lo cheche namu, Nono I küxü püxü tsüe; Nono O u xachhope I ghümi loghu tuchile, eno O u ajeu no I xaphe tsüke.

JEREMIYA 25:23

Dedan, Tema, Buz, eno asa acheku lo tsave keqo;

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

JEREMIYA 49:20

Tighenguno Ampeu no Edom lo küamiqo shou kughu püakeu eno Teman lo akemi pesü kiu shiniye kümsüpu ani keno inilo. Pano tianuli kutolo sünhe sawuve nani. Mtsüqheino panongu kümtsü küsakusho lono thüghüive nani.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

EZEKEL 14:13

“Timi nu, kughou aküpülü küküha kümla vecheo ayeghi no I hebide ghi axine shini keno, I no tipau lachile ghi I u süqhe nani eno tipau lo chuqu-kusho süghi chekeu lakhave tsüno püqümiye puwu nani, eno tipau lono timi eno tüghashi pithive nani,

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 14:8

I no pa launo I gi kughove nani; pa pesü amchipu eno küghakichepu shitsü nani, eno Iw timi gholono ikhive nani, eno Ni ye Ampeu kepi nongu no ithi nani.

EZEKEL 25:16

Ampeu Alhou no ishi piani, Julo, I no Philistiami shou I u chho nani, I no Kherethmi peve nani eno azüghimkü lo akeqo kütsave nani.

EZEKEL 25:7

tighenguno julo, I no nongu shou I u chhovae, eno xulepuwuve keu küakini toi nongu pesü shiyeqo lau tsüve nani. Ashiayeqo gholono nongu kütsaleve nani eno nongu ye aghakhu lono pühave nani; I no nongu kütsave nani. Tileno nongu no Ni ye Ampeu kepi ithi nani.

EZEKEL 27:15

Dedan timiqo no o sasü lhidi shiche. Azüghimkü ghakhu kutomo no ow kütavi kilhikishi-a shiche; panongu no ame tsüno akühahu ngo tsübuike sü o lau peighi che.

EZEKEL 27:20

Khurshi shou qhaiqa chekeu ashiyiko pesü Dedan no o sasü kilhisho che.

EZEKEL 29:8

Tighenguno Ampeu no ishi piani: Julo, I no o shou azütakikihi süghi nani eno ow timi ngo tüghashi ghiqhive tsü nani,

EZEKEL 32:29

“Edom ye tilau ani, li kükau eno li yepemi, pano ye pano kumto kümtsü xapu khunoqo azütakikihi no ghiqhive keno panoqo gholo ani; panongu ye aphighüyiko ghamo kemi, khunoqo akuthoku lo iqive akeno pano gholo ani.

EZEKEL 35:3

eno tipau vilo pilo, Ampeu Alhou no ishi piani: Julo, Seir Toghi, Ni ye o lachile ani, eno o shou I u chho ani, I no o pesü küghüküghalei pighive tsü nani.

EZEKEL 35:9

I no o pesü alhokupuju küghüve tsü nani, eno ow mishighünaqo lo küghüna move nani. Tileno nongu no Ni ye Ampeu kepi ithi nani.

EZEKEL 38:13

Sheba ngo Dedan eno Tarshish lo kilhikishimi ngo panow sakiphemi no o vilo pi nani, ‘No ye aghüshi lono hakholu keu luniye ighi ani keshea? No ye xulelu keu thime, ghükayi ngo ameshoyi, atsüaqu, eno tinhemgha jeli xapu wuveni ye ow aqokitikhi hekütsüpe ani keshea?’

AMUS 1:12

Tighenguno I no Teman shou ami puwuni, eno tino Bozrah sükusho-aqo pitileve tsü nani.

Obadiah 1:9

Eno ow akumtomi ye aghüthi süve nani, O Teman, tishino Esau Naghuto lo timi kümtsü ghiqhi khave nani.

HABAKUK 3:3

Alhou ye Teman küdau no ighi, Akimtheu ye Paran Toghi lono ighie. Pa juküvü no atsütsü nhakha, Pa shekiqhe no ayeghi chhitoi.