EZEKEL 24:13 - Sumi Naga CL (Re-edited) Bible (BSI)

¹³ Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

BAIBEL (BSI)

¹³ Jerusalem, okimthekumo kumlaqono oshipixivae. Ino pukaputsa othakimtheju akemu noye kitiqe pesu auvae. Noye iloghu kighide muqhamiqhiyi keu shimlano anani.

EZEKEL 24:13 ပူးပေါင်းရင်းမြစ်များ

ISAIAH 22:14

Aqokitikhi MPEU ampi no I kini lo pisüvae, “Mtsüqheino nongu no thimoke kutolo hipau xine peve tsümo nani.”

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 31:18

Ephraim mloghuju I no chiluvae, ‘Nono I sakiyi, eno ni ye qophe mphi keu mishiti toi ghasü luvae; I sachile ighilo eno ni ye athoputho luve nani, kughengu No ye I MPEU eno I Lhou ke.

AKUMLO 1:9

Li mithekumo ye li mini lo ani; li ye ighini keu tsala ghenguno kümsüju move; tigheno li vekiqhi ye kümsapuke; li ye aloinokütsüu kühae. “O Ampeu, I ghime julo, kughengu aghümi no toluvae!”

EZEKEL 16:42

Ikehu I no o shou no I loghu ghapiqi nani, eno I mlo kishikumo ye o launo ikhive nani. Ni ye iqüghaive nani eno amloide keu shimove nani.

EZEKEL 22:24

“Timi nu, li vilo pilo, No ye aloghu tsala lo mithemo keu momu tsüghumo keu yeghi ke.

EZEKEL 24:11

Ali kümsa amibalu shou ghope qhilo, tishino tipau pelo akülü shive pelo, aküsayi li shipiti lo, tishino tipau mithekumo tileno pitidave pelo, tipau pitidave keu ye kühave pelo.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

HOSIYA 7:1

Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

ACHINE 13:55

Ti qhive kethiu pa no jukuto no akughumho no aju kilimo eno phawomo namu ti ye mithe movae. Akughumho no azüu na athiu aghi namu, anhemgha ti ye pitiveni.

ACHINE 14:43

“Atu ikhive no kixilepe akithe nudave kethiu ghi akughumho ipeghi aye,

ZEFANIA 3:2

Li ye khuu sütsa mu ini chemo; eno shikithekütsü ikhilu chemoe. Li ye Ampeu pükhübe chemo; eno Alhou kupunu ighi chemoe.

ZEFANIA 3:7

I no pi, ‘Mtsüqheino no ye I sümsa nani; no ye shikithekütsü ikhilu nani. Tishino o kungo-a ye kütsamo nani eno o shou aghime ighimo nani.’ Ikemu panongu no alaushi pano kümla shipüsa kithe auveke.

ZEKHARIA 6:8

Tishino kungumi huno ighamku I vilo pi, “Julo, ahuu ghakhu küdau iqhove keqo no tilau I Ghungu kulhoqhive tsüae.”

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Piyeküsü 22:11

Küsaküghami no küsakügha shi apelo, eno mithekumomi no mithekumo shi apelo, ikemu achipimi ye achipiu shialo, eno akimthemi ye akimthe shialo.”