EZEKEL 22:7 - Sumi Naga CL (Re-edited) Bible (BSI)

⁷ Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

BAIBEL (BSI)

⁷ Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

EZEKEL 22:7 ပူးပေါင်းရင်းမြစ်များ

LESHELE 94:5

Panongu no Ow timi munudaqhi ke, O Ampeu, eno O mheghi timiqo ghimeqhi ke.

LESHELE 94:6

Panongu no chimemi eno kicheghüzümi pithive, eno mighimi ghiqhie;

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

IPEKULU 21:17

“Khukhumu pa puaza ghusho keu ye pithiveni.

IPEKULU 23:9

“No ye inaghami peitha püsa moni. Nono inaghami mlo ithi anie, kughengu nongu ghi Egypt yeghi lo inaghami shi acheke.

AHOLE 20:20

Apuaza ghusho aye o küxü ye akulu tsüqü pinheve tsü ketoi aküzü kutho lo ilove nani.

AHOLE 30:11

Timi khami ye papu ghusho eno eno paza akishe tsü chemoe.

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 22:25

Liw tungkupmiw pishikiqhi ye abongshuu no lhoxü tsüqhipe ighamku aketoi; panongu no timi küxü tsüchuvae; panongu no küakini eno akughupu thimeqo luvae; panongu no pano yeghi lo chimemi kutomo shive tsüae.

EZEKEL 22:29

Ayeghi hipau lo timiqo no kichiqhi süxachu eno pükake. Panongu no kumlhomi eno akukuphu avehupu shi akemi qodaqhi, eno achipiu shitsü mono kupokichemi kichi kümsa eno süxachu ke.

ACHINE 20:9

Khukhumu pa puaza ghusho keu ye pithiveni; pa kithi ye pa makho shini.

ZEKHARIA 7:10

chimemi, mighimi, shoinami momu kumlhomi nedaqoda kevilo, eno nongu dolo khunomu amlo lono lakhino lakhi shou alhoksa kuchughu kevilo.”

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Mark 7:10

Kughengu Moses no pike, ‘O pu ngo o za gihulo’; eno, ‘Khukhumu apuaza thaigha keu ye mtsüqheino thinani.’

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 27:16

“‘Khukhumu pa puaza gihumo keu ye müsüinivae.’ Eno timi kümtsü no ‘Amen,’ ipini.

ZAKINIU 27:19

“‘Khukhumu kachenami, mighimi, eno chimemi chipiu shipühave tsükeu ye müsüinivae.’ Eno timi kümtsü no ‘Amen,’ ipini.

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.