EZEKEL 20:26 - Sumi Naga CL (Re-edited) Bible (BSI)

²⁶ I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

BAIBEL (BSI)

²⁶ Ino panoqo pelo pano kumllagho pesu panoqo kitiqevepe eno ino panoqo pelo anu anoghiuqo heqhi mllapeke. Hiye panoqo ghimeqhiniye ke eno niye AMPEU kepi panongu piyeniyeke.

EZEKEL 20:26 ပူးပေါင်းရင်းမြစ်များ

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

IPEKULU 13:12

no ye atita khaqhi tüghüu thaqhü ikhi kütüta shipe Ampeu tsüni. Ow lhoxü piti tüghüu atsü thaqhü ye Ampeu ke.

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 19:9

I no pano pelo pano pu-angaqo shi chupe nani, aghümi eno pano küxü luve tsünike phuighi kemi no pano khasü luve kelo aveküsa lono panongu no pano kisüghümi shi chunani.’

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

EZEKEL 20:12

Tinguno alau, I no Ni eno panoqo lau amchipu lakhi shi Iw Sabbath panoqo tsü, tishikeu lono Ni ye Ampeu, panongu qhukimthe tsükeu kepi ithi peniye ke.

EZEKEL 20:20

eno Iw Sabbath akimthe shi qhilo tishianguno tino Ni eno nongu dolo amchipu lakhi shi anani, eno nongu no Ni ye Ampeu nongu Lhou kepi ithi nani.

EZEKEL 20:30

“Tighenguno Israel kibolomi vilo pilo, Ampeu Alhou no ishi piani: Nongu ye no puasüqo ghola lono nongu ampi shikitiqe eno panow aphikümqhüpu thimeqo pape kütüqhani keshea?

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

ACHINE 20:2

“Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

Luke 2:23

(ti ye Ampeu Yezah lo ishi yepüake toi, “Aza no punu tüghüu kiptimi thaqhü ye Ampeu tsükeu michishi akimthe ipi kuni”)