EZEKEL 19:14 - Sumi Naga CL (Re-edited) Bible (BSI)

¹⁴ Eno ami no tipa bo lo akhuni lono ipeghi no axathi pitivae, ikehu abo mtotoi keu kühavae, kükaküsü küsü kühavae. Hi ye akumlo le lakhi eno akumlo shivae.

BAIBEL (BSI)

¹⁴ Atsayibolo ami ipeghive; amino tipau loka ngo alothi pitileveke. Alokaqoye khilemu mutotoi kithe luni chemoe, khilemu kukami kusu shiluni chemo. Hiye amloksa le lakhike; hiye phekide acheni.

EZEKEL 19:14 ပူးပေါင်းရင်းမြစ်များ

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

KUKAMI AKINIU 24:20

Kughengu Ampeu ye Jerusalem ngo Judah lo küami shou ighono amlo ideve kehu Pa no Pa zülono hapheve. Zedekiah no Babylon kükau hebide thuve.

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

NEHEMIA 9:37

Eno ni xine ghenguno ayeghi lono kupukuno shi ipeghi keqo ye Nono ni shou qhi püatsü kemi kükami lau wuve anie. Panongu no ni phimpi eno niw lhoxü shou pano pulou lono ka auvae eno ningu ye shishe aghime kutho lo anie.

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 79:7

Kughengu panongu no Jacob tsüqhi chuvae eno pa ghüna-a kütsave tsüae.

JEREMIYA 38:23

Nongu nipu eno atianuli kümtsü Chaldeami lau sawuve nani, no ampi ghi panongu u lono pomla no Babylon kükau no küghaluve nani, eno mishighüna hipau ye ami no pitive nani.”

JEREMIYA 52:3

Kughengu Ampeu mlo kighide ghenguno Pa no Jerusalem ngo Judah lo küami Pa zülono hapheve. Eno Zedekiah no Babylon kükau hebide thuve.

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

EZEKEL 15:4

Julo, ti ye süküghüpusü shi peithave cheni. Kughou ami no tipau aboake eno amta kuchopu pitiveni keno ti ye kiu lomu peitha kulupu ani keshea?

EZEKEL 17:10

Julo, ti ye shosüvae; ti ye thuwulu nani keshea? Kughou kipela mülhü no ti fudaqhini keno ti ye qhoi thizümüi tipau shosü püake-a lo mini ipeghi keu lono thizümüive moni keshea?”

EZEKEL 19:1

No ye Israel kükapumi ghenguno akumlo shilo,

EZEKEL 19:11

Tipau loka mtotoi keu no yepemi kükaküsü shive; tino aghasa dolono chuqumghai thuikughi; aloka tubolei ipeghi keu no qhemghai ithulue.

EZEKEL 20:47

Apeu ghasüghave vilo pilo, Ampeu tsa inilo: Ampeu Alhou no ishi piani, Julo, I no o shou ami küiqü puku nani, eno tipau no asübo miniboi eno kimghoi keu kümtsü pitive nani. Amiküqü ye ghapinhe lumo nani, eno ahuu ngo apeu yeghi ye tipau no piti külhüqhi nani.

EZEKEL 20:48

Ni Ampeu no tipau küiqü kepi timi kümtsü no ithulu nani; tipau ye ghapinhe lumo nani.”

EZEKEL 26:17

Panongu no nongu shou akumlo le phe nani eno nongu vilo pi nani, “‘Nongu azüghi mkülo küami, nongu ye kishi pühave akea, O ajekipi mishighüna, no ye azüghi lo akumtou; li eno li ghakütsami no tile akemi shithüghüi cheke!

HOSIYA 10:3

Itehi ye panongu no pi nani: “Nino Ampeu sümsamo ke ningu ye akükau kühae; ikemu akükau lakhi ye ni ghenguno kiu shitsü luniche kea?”

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa

John 19:15

Panongu no ighamku, “Pa sawuve lo, pa sawuve lo, pa yedave lo!” Pilate no panongu vilo pi, “I no nongu Kükau yedaveni keshea?” Achinetomi no pi, “Ningu ye Caesar kumo aye akükau kühae.”

XAKUTHAMI 9:15

Asahubo no pi, ‘Nongu no süchou no I pesü nongu kükau shi penike I nukishe aye, I kicheqho ije ighilo, tishimo aye asahubo lono ami ipeghi no Lebanon lo cedar ghasü mühavepe nani.’