EZEKEL 17:21 - Sumi Naga CL (Re-edited) Bible (BSI)

²¹ Paw ghüshimi poche kemi kümtsü azütakikihi lono ikiqive nani, eno ghükulumi ye amülhü lo kuthole nani, eno Ni ye Ampeu kepi nongu no ithi nani; I no piqhivae.”

BAIBEL (BSI)

²¹ Pawu ghushimi akivimiqoye aghushi lono pithive nani eno ghupe puxu puaghi kemiqoye aqha kumtsulo kohave nani. Tileno ni, AMPEU no piveakepi nonguno ithi nani.”

EZEKEL 17:21 ပူးပေါင်းရင်းမြစ်များ

KUKAMI AKINIU 25:11

Aphughi lo achili akeqo eno Babylon kükau lau pove kemi ngo aqokitikhi kümtsü kepten Nebuzaradan no hakiphi sawuve.

KUKAMI AKINIU 25:5

Ikemu Chaldea ghüshimi no akükau hawu no Jericho qa yeghi lono küghaluve, eno paw ghüshimi kümtsü apanagha pa launo pove.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

JEREMIYA 48:44

Aküighüpu lono pove keu no aqo lo ikiqi ilove nani, eno aqo lono ipeghilu keu no alichhe lono meluve nani. Kughengu I no Moab ghimeke mpe lo hipaqo süghi nani, ipi Ampeu no sheshu.

JEREMIYA 52:8

Ikemu Chaldea ghüshimi no akükau hasü wuno Jericho lo aqa yeghi lono küghaluve, paw ghüshimi kümtsü apanagha pa launo pove.

EZEKEL 12:14

Khunoqo no pa homxape ani keno, pa kukuphumi ngo paw ghüshimi ghi kümtsü I no amülhü süvela lo kuthole puwuve nani, eno I no azütakikihi süjope panoqo pape nani.

EZEKEL 13:14

Nongu no metsüghoi nuda püakeu tupikiye I no hephove nani, eno ayeghi lo tipau tulaqhive nani, tishikeu lono tipau boqha ghopuku püakeu ye thoqhaleive nani. Kughou tipau ikiqiveni keno, nongu ye tipau lono pühave nani, eno Ni ye Ampeu kepi nongu no ithi nani.

EZEKEL 13:23

nongu ye kichile kungunhetsü momu saqhisali shimo nani. I no nongu u lono Iw timi xaluve nani. Eno Ni ye Ampeu kepi nongu no ithi nani.”

EZEKEL 15:7

I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 5:2

Leighi ke tsala kupuve kethiu mishighüna mta lono asa kikije küthü lo lakhi pesü ami no pitive lo. Kikije küthü lo lakhi pesü mishighüna vehomxa ghi azütakikihi no ghitha lo. Eno kikije küthü lo lakhi pesü amülhü lono küzale lo, eno I no panoqo papesü I zütakikihi ikhijo luveni.

EZEKEL 6:10

Panongu no Ni ye Ampeu kepi ithi nani. Ni ye panoqo lau kixikila hipau shinie pi akiqi kühano pi püamoe.”

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

AMUS 9:1

Ampeu no akiptia phivilo puthugho akeu I no ithulu, eno Pa no pi: “Akisheqho no itha moke kutolo atsükuchoqo lo hepukulo, eno tino timi kümtsü kütsü shou ikughi pelo; eno achili thaqhü ye I no azüta pesü ghiqhiveni; panoqo khumu povemla nani; milakhimu itshüsü pomla nani.