EZEKEL 16:38 - Sumi Naga CL (Re-edited) Bible (BSI)

³⁸ Topumi küsalhami toi I no o lau küghathabe nani, aji peleve keu ye küghatha nani, eno aji pele keu loghu ngo anhekushu o shou lepuku nani.

BAIBEL (BSI)

³⁸ Salha shupu eno ghiqhi keu ghenguno ino opeive nani eno iloghu kighide lono ino akithi pesu oghimeqhi nani.

EZEKEL 16:38 ပူးပေါင်းရင်းမြစ်များ

BOTHUBO 38:11

Tileno Judah no pa mukishiu Tamar vilo pi, “I nu Shelah no kichimi shimoke kutolo o pu kilo chimemi shi ngo aghilo”—kughengu pa ye Shelah ghi pa mu noqo toi thive nani küghashi msave ke. Ikehu Tamar no wuno li papu kilo ngove.

BOTHUBO 38:24

Aqhi küthüa thiu, Judah vilo ishi pi, “O mukishiu Tamar ye küqüvae. Li ye küqüve keu lono mishivae.” Eno Judah no pi, “Li saipeghi lo, eno pitiqhive lo.”

BOTHUBO 9:6

“Khuu no timi ji peleni keno, timi ghi pa ji pele masa nani, kughengu Alhou no Pa ampi julho lono timi lhoke.

IPEKULU 21:12

“Khukhumu timi shou hepuku kelono pithive keu ye pithiveni.

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

EZEKEL 16:36

Ampeu Alhou no ishi piani, Ow ghaghu ghale kükümsü lheqhi, o lojipumi eno ow aphikümqhüpu sü-atu julhoqo gholo o phikümsa lhapheke ghenguno eno nono o nuliqo ji panoqo tsüveke ghenguno,

EZEKEL 16:40

Panongu no aqokitikhi saghi no o mjochile nani, atu pesü o veqhi nani eno panoqo zütakikihi pesü o ghekuchove nani.

EZEKEL 23:24

Eno panongu no ahuu no khurkulu ngo akhokupu tuhakulu, eno timi aqokitikhi ishi o mjochile ighi nani. Panongu no azüto kije kitila, eno akütsükuqho xapusü ako kümtsü lono o shou aghili kutope khe nani; eno I no küghakütha panoqo shou qhivetsü nani, panongu no panoqow küghakütha kiqi lono o shou küghatha nani.

EZEKEL 23:25

I no I mlo kishikumo o shou puku nani, tishikeu lono panoqo no aloghu lono o peitha nani. Panongu no o nigipe eno o kini ghithave tsü nani, eno nongu ghülu kemi ye ghüyi lono wove nani. Panongu no o pu-angaqo küghaluve nani, eno nongu ghülu kemi ye ami lono pitiqhive nani.

EZEKEL 35:6

tighenguno I no xüake toi, Ampeu Alhou no asheshu, aji peleni ke I no o kutope qhini, eno ajikuqo no o haighi nani; kughengu nono ajikuqo mithimo ke, tighenguno ajikuqo no o haighi nani.

EZEKEL 36:18

Ikehu panongu no ayeghi lo aji pelekeu ghenguno, asüatu julho vecheo panongu no tipau shipixive ke ghenguno I no I loghu panoqo shou lepukue.

ACHINE 20:10

“Timi lakhino aküsami Israelmi lakhi nipu sazüve aye, pa ngo atotiu gha pithiveni.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

ZEFANIA 1:17

I no timiqo lau aghime süghini, tino panongu ye anhethi kighichemi toi chewu nani, kughengu panongu no Ampeu shou axine shike; panongu ji ye amkhu toi pele nani, eno akumo no tübatüzü toi nani.

AKIKIHI 35:16

“Ikemu pa no ayi pesü heqhi pithive aye, pa ye timi hekiqhimi ke ghenguno pithiveni.

AKIKIHI 35:17

Momu pa no atu pesü kütami heqhi pithive aye, pa ye timi hekiqhimi ke ghenguno pithiveni.

AKIKIHI 35:18

Momu pa no asü pesü heqhi pithive aye, pa ye timi hekiqhimi ke ghenguno pithiveni.

AKIKIHI 35:21

momu mithi kelauno pa u no kütami heqhive aye, timi tipau ye pithiveni, kughengu pa ye timi hekiqhimi ke. Kughou amkhükuluu no timi hekiqhiu sholuni keno, tileno pa pithiveni.

AKIKIHI 35:31

Tinguno alau, timi hekiqhiu küxü ghenguno xakipheme lumoni, pa ye thive masae.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”