EZEKEL 11:17 - Sumi Naga CL (Re-edited) Bible (BSI)

¹⁷ Tighenguno pilo, ‘Ampeu Alhou no ishi piani: I no timiqo gholono nongu hekütsü nani eno aghakhu khipaqo lo nongu kutholeve puwuve keno tipaqo lono nongu kumqo nani, eno I no Israel yeghi pesü nongu tsü nani.’

BAIBEL (BSI)

¹⁷ Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

EZEKEL 11:17 ပူးပေါင်းရင်းမြစ်များ

LESHELE 107:3

akuaqha kütüta, kipelau eno kulolau, ahuu eno apeu no hekütsü saghi kemi no pilo.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

JEREMIYA 24:5

“Ampeu, Israel Lhou no ishi piani: Mubuthi kivi hipaqo toi, I no khunoqo Judah lono Chaldeami yeghi lo akughu shi puwuve akeno tipaqo ye akivi kepi kihi nani.

JEREMIYA 24:6

Akivipu ghenguno I nhethi no panoqo shou anani, eno ayeghi hipau lo panoqo sachile saghi nani. Ni ye panoqo xaleqhive mono shiqhe nani, panoqo nhüvemo no shosü nani.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 29:10

“Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 31:16

Ampeu no ishi piani: “O küqa ghügha tavelo, eno o nhezü kipiji tavelo, kughengu o kümla jume ani, ipi Ampeu no sheshu, eno panongu ye aghümi yeghi lono ideighi nani.

EZEKEL 20:34

I no timi hipaqo launo eno aghakhu khile nongu kutholepe ani keno, tilau no au kumto eno au xachhope aloghu lephe keu lono nongu saipeghive no nongu hekütsü luve nani.

EZEKEL 20:41

Kughou I no ashiayeqo gholono nongu saipeghi eno kuthole püakeu ghakhuqo lono nongu hekütsüni keno, I no alokiqipu xokütsüngü toi nongu ikhilu nani. Eno shiye kümtsü nhethe lono I no I kimthe nongu gholo pephe piye nani.

EZEKEL 20:42

Israel yeghi, aghakhu khikhi I no nongu puasüqo tsüni kepi tushoqhi keno, tile I no nongu saighi kelo nongu no Ni ye Ampeu kepi ithi nani.

EZEKEL 28:25

“Ampeu Alhou no ishi piani: Kughou I no ashiaye gholo kuthole puwuve keqo Israel laghami hekütsü luve no shiyeqo nhethe lono I kimthe panoqo gholo pephe piyeni keno, tileno I no I qeu Jacob tsükeu yeghi lo panongu no küghünauve nani.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

EZEKEL 34:13

I no ashiayeqo dolono panongu saipeghi nani, aghakhuqo lono panoqo hekütsü nani, eno pano yeghi lo saighive nani. I no Israel lo naghutoqo, aghokitiqo, eno aghakhu lo küghüna akeu-aqo lono panoqo loji nani.

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

ZEKHARIA 8:7

Ikehu aqokitikhi Mpeu no pi: Julo, I no kipela ghakhu eno kulola ghakhu lono Iw timiqo xalu nani,

ZAKINIU 30:3

tileno Ampeu nongu Lhou no angukümgha nongu tsüchile nani, eno Pa no apanagha shiyeqo dolo nongu hapuwuve keu amlo ighiqhiyive no sachile ighi nani.