ESTHER 6:4 - Sumi Naga CL (Re-edited) Bible (BSI)

⁴ Akükau no iniju, “Küghaki lo khuu ani kea?” Haman ye akükau vilo pa no tshükiqhi-a mla püakeu lono Mordecai pithiveni keu vehu piniye akükau kighiki khala lo ighiae.

BAIBEL (BSI)

⁴ “Kughaki khalau khuu ngo ania?” ipi akukauno iniju. Haman ye pano mlapua keu alono Mordekai tshuqhive penikeu tsa pe akukau vilo piniye iloche.

ESTHER 6:4 ပူးပေါင်းရင်းမြစ်များ

ESTHER 4:11

“Akükau qemi eno akükau timi aphughiqo lo akemi kümtsü no ithi anike tsala kiptimi momu totimi khuu no kusümo keghi akükau küghaki lo iloghi keno, tile ayezah lakhi likhi anie—ti ye pithiveni keu, khuu lau akükau no ameshoyi kükaküsü chhopuwoni keno pa ye xüluve nani. Ikemu, I ghengu ye, hi atsala shighi kutolo akükau lau ilolu penike kusü mphie.”

ESTHER 5:1

Atsala aküthüni Esther no kükaliu phimini pepuve no akükau kighiki alou akükau chebo zülo puthugho, akükau ye pa küka chebo alou kükalakhü lo, akighiki ikulola gizüu, iqa ae.

ESTHER 5:14

Ikehu pa nipu Zeresh ngo pa küsami kümtsü no pa vilo pi, “Tshükiqhi-a lakhi akiqhelau auxakuchho muku kini mlalo, eno inaqhe no akükau vilo pive no tipau lono Mordecai tshüqhive pelo. Tishino alokivi shi akükau gholono aghulhu lo wulo.” Akükümsü hipau no Haman lopu shive, eno pa no tshükiqhi-a mlavepe.

ESTHER 6:3

Akükau no pi, “Hipau ghenguno agigihu kighiche kiu Mordecai shou betsü kea?” Akükauw apumi khunoqo no pa hiju akeno panongu no pi, “Pa ghenguno kiumu shitsü mphie.”

ESTHER 6:5

Akükauw apumiqo no pa vilo pi, “Haman ye hile küghaki lo puthugho ani.” Eno akükau no pi, “Pa pelo iloghi pelo.”

ESTHER 7:9

Tileno akükau hiju chekeu shokomi lakhi Harbona no pi, “Tinguno alau, Haman no Mordecai ghenguno tshükiqhi-a kuto püani. Mordecai, khuu tsa vecheo akükau xalu keno, pa tshüqhi pithiveni ye tshükiqhi-a akiqhelau auxakuchho muku-kini Haman kilo mla püani.” Akükau no pi, “Tipau lono pa tshüqhivelo.”

JOB 5:13

Pa no amqükinimi küghape pano lichhe lono meluve cheni, eno chighichilai kemi kukughu ke-i kishekhave tsü cheni.

LESHELE 2:4

Atsütsü lo iqa akeu huno junu ani; Ampeu no panoqo jukünatha ani.

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.