ESTHER 6:12 - Sumi Naga CL (Re-edited) Bible (BSI)

¹² Tithiu Mordecai ye akükau khagho lo ideighive. Ikemu Haman ye pa kütsü küzüluve no amloksa shi pa ki lo mtazü wove.

BAIBEL (BSI)

¹² Tithiu Mordekai no pa kumla alo idewove, ikemu Haman ye mghimghai pa kilo wove.

ESTHER 6:12 ပူးပေါင်းရင်းမြစ်များ

SAMUEL AKINIU 15:30

Ikemu David ye apukhu kümsa, akütsü küzüluve no mloqasü Olive Toghi lo iqhove. Eno timi khunoqo pa gholo akeno panongu ghi akütsü küzüluve no mloqasü iqhove.

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

KUKAMI ATUGHIU 20:43

Ikehu Israel kükau ye Samaria lo pa kilo amlo küsashi eno agi zümoi idewove.

KUKAMI ATUGHIU 21:4

Naboth no pikeu tsa chilu no Ahab ye ighono amloqi mono agha idesü aki lo ilove kughengu Naboth no pa vilo, “Ni ye I puasüqo mheghi o tsümlae” ipike. Eno pa züalo ihozü no pa gi kughope kiumu chumove.

KUKAMI ATUGHIU 21:6

Pa no pi, “I no Jezreelmi Naboth vilo pi, ‘O tsailu I vilo jeve tsülo momu nono pulo aye, I no atsailu lakhi o tsüni.’ Ikemu pa no khochile, ‘Ni ye I tsailu o tsümoe.’”

YEKIKITHI AKINIU 26:20

Achinetou Azariah ngo achinemi kümtsü no pa jukelo pa ye akishe lo apügha ipeghive! Panongu no mtazü pa sasü khalau ipeve, pa ghi mighimghai ipeve, kughengu Ampeu no pa ghimeve ke.

ESTHER 2:19

Kughou athathelimiqo no akiniu kümtsa hekütsüpe akeno, Mordecai ye akükauw khagho lo iqa ae.

ESTHER 6:11

Ikehu Haman no chijeboike phi eno khurshi ikhiluve no pa no aphimini Mordecai pepipe eno mishighüna laghila katha wuno pa zülono asheshu, “Khuu lau akükau no agigihu tsünike alokiqi shi ani keno timi tipau shou hitoi shitsü nanie.”

ESTHER 7:8

Akükau no akighiki ghutu lono atsaizü sho akeu-a lo ideighi, ikelo Haman ye Esther no ngo akeu lakhü lo ikiqive. Akükau no pi, “Pa ye I kilo ghi eno I nhethe lo ghi kükaliu shipüthalu nani keshea?” Atsa hipau akükau kichi lono ipeghi khavi, panongu no Haman gi küzüve tsü.

JOB 20:5

Kixikilami lokivi ye ado ikholo, Alhou kümthami mlokiqi ye asüchedo lakhi likhie.

JOB 9:24

Ayeghi pesü küsaküghami u lo süvetsü cheni; Pa no küghaküthami nhethi kiyikhave tsücheni, Pa no kumo aye khuu no kea?

SAMUEL ATUGHIU 3:15

Samuel ye inaqhe kutolo züae; tithiu pa no Ampeu ki hukikhaqo khaqhive. Eno Samuel no kungunhetsü vehu Eli vilo pini keu msave.