ESTHER 1:13 - Sumi Naga CL (Re-edited) Bible (BSI)

¹³ Tileno akükau no alokütsümi khunoqo no aghuloki ithi ache keno panoqo vilo pi (kughengu hi ye ayezah eno xakütha akivishi ithi akemi lau akükau khuaye ke,

BAIBEL (BSI)

^13-14 Akukauno amlo shimoveno pa gholo akighithimi sasu kuptsa kughengu timi tipaqoye aghuloki ghili eno Persia yeghilo yezahqo ithikemike eno akukauno panongu shou pulube chekemike eno timi tipaqoye, Karshena, Shethar, Adnatha, Tarshia, Meres, Marshena eno Memukan noqoke. Media ngo Persia yeghiqhalo pano tsunino ighono kije shi achekeu likhi kumono akukau kusamiqoke.

ESTHER 1:13 ပူးပေါင်းရင်းမြစ်များ

YEKIKITHI ATUGHIU 12:32

Issacharmi 200, panoqo ye ado-aghuloki kiqi lono Israelmi ye kiu shikepu keno ithi chekemi atomi;

YEKIKITHI ATUGHIU 12:33

Zebulunmi aghüshi lo khutive kemi, David kuphuni keu kimji likhi qhino aghü nanu kümtsü xapu akemi qhethonhe lhopungu;

ESTHER 1:12

Ikemu shokomi no akükau zakütsü süghi keu Kükaliu Vashti no milive. Tipau lo akükau ye axuideve, eno pa ghakighide no pa lolo no iqü ipeghive.

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

DANIEL 2:12

Hi ghenguno akükau ye ighono axuideve no Babylon lo alokütsümi kümtsü kütsave lopi azah tsüve.

DANIEL 2:2

Tile akükau no azah tsüno küdüumi, shiküghüzü kemi eno Chaldeami pelo pa samo pitsü peniye kupuwu. Tighenguno panongu no ighi eno akükau zülo puthugho.

DANIEL 2:27

Daniel no akükau khochile, “Akükau no ighiju akeu tuqhou küsü püakeu ye alokütsümi, shiküghüzü kemi, küdüumi momu yepu-yesü kighithimi khunomu akükau piyemlae,

DANIEL 5:7

Akükau no shiküghüzü kemi, Chaldeami eno yepu-yesü kighithimi asütsa kuloghi lono ku. Pa no Babylon lo alokütsümiqo lau asheshu, “Khukhumu akiye hipau philu eno hepho piyelu keu ye hughaike phi pipeni eno ameshoyi chi pa kuo lo xipipeni, eno kükaqha lo yepeu aküthüu shipeni.”

MATTHEW 16:3

Eno inaqhe nongu no, ‘Atsütsü ye huchuyi eno züchiyi ani keke ishi ye pasapagha tsala shinani’ ipi cheni. Nongu ye atsütsü lo juno atsala kiu toi nani keno pilu cheni, ikemu ado aghuloki michipuqo kiqilu chemoe.

MATTHEW 2:1

Kughou akükau Herod ghuloki lo Judea ghakhu lo Bethlehem lono Jisü punu keno, julo, kipelau no ayepu kighithimi Jerusalem lo ighi,