Ephesiami 6:9 - Sumi Naga CL (Re-edited) Bible (BSI)

⁹ Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

BAIBEL (BSI)

⁹ Amipemiqo, pivekeu toi nongu ghi nongu qu-axemi peitha pivilo, eno aqu-axemi kichi kevilo. Kughengu panongu eno nongu wu Ampeu ye kungughalo anikepi kumsululo, paye timi kumtsu aphiphishi peitha chenike.

Sümi Tiqhelimi Bible

⁹ Eno ampemiqo, nongu ghí tipau tho lono nongu qüaxemiqo peitha lo. Panongu kichi kevilo, kughengu nongu Lhou khuu kungugha lo ani keno, pa ye ampemi eno aqemi kinikujo Mpeu ke ipi nongu no ithi ani, eno pa ye agikuju shichemoe.

Ephesiami 6:9 ပူးပေါင်းရင်းမြစ်များ

NEHEMIA 5:5

Ni phimpi ghi ni thiküzümi phimpi toi, ni tianuli ghi pano tianuli toi, ikeghi ningu ye ni tianuli pelo aqüaxe shive anipe eno ningu ngaqo khami ye aqü-axe lo jesüvae. Ikemu ningu ye tipaqo mjochileni keu küka kühavae, kughengu ningu lu eno atsailu kümtsü timi kütami no lukhavae.”

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

LESHELE 140:12

I no ithi anie, Ampeu no aghime kitikhi lo akemi süsho cheni, eno kumlhomi ghenguno kuchou xakütha süghi tsü nani.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

DANIEL 3:6

Eno khukhumu itsaqi mllamo keu ye tipamtsa kuchughei akeu miphoki lo vesüveni.”

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 22:10

Aqemi tipaqo no alaghila lo wuno sholuke thaqhü akivimi alhoksami kümtsü kusaghi. Ikehu külakupu-a ye inami no chhitoive.

MATTHEW 22:8

Tishino pa no pa qemi vilo pi, ‘Külakupu ghulhu ye kutope ani, ikemu kuküsümi no ighi küzüpu kumove ke.

MATTHEW 24:48

Ikemu kixikila qeu no pa ampi vilo, ‘I mpeu ye munuve nani’ ipi no

MATTHEW 24:51

Ampeu huno pa küghape hethapinyi nani, eno keghilishi kemi gholo qhive nani. Tilehi küqa kumlo eno ahu tsüghü bubushi nani.

MATTHEW 7:12

“Ikehu kütami pelo o lau kiu shipenishi kümsü cheni keno, nou ghi titoi panoqo lau shilo, kughengu hi no Ayezah ngo Tungkupu kaku shekuho tsake.

Luke 6:31

Kütami no o lau kiu shitsü penishi cheni keno, nou no titoi panoqo lau shilo.

John 13:13

Nongu no I vilo Shikükau eno Ampeu ipi kucheni, eno ti ye achipi, kughengu ni ye tihuke.

Apostolmi 10:34

Ikehu Peter no pithu: “Kuchou no Alhou ye agikuju kühae pi I no vethaluvae,

Rommi 2:11

Kughengu Alhou ye agi juchemoe.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

1 Kor. 7:22

Kughengu khuu aqüaxemi shiake lono Ampeu lau kulu keno, pa ye Ampeu no kuqhopheve kemiae. Titoi khuu no kuqhophe keu lo ake lono kulu keno pa ye Khristo qüaxemi shivae.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

Kolosiami 3:25

Kughengu alhoksa kümlami ye pa lhoksa kümla ghenguno agikuju kühano ajume tsüchile nani.

Kolosiami 4:1

Ampemiqo, achipiu eno aghibiu lono nongu qemi peitha lo, nongu ghi kungugha lo Ampeu anie pi ithilo.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

James 2:8

Nongu no akükau yezah khikhi Kuchoyesü lo, “No ye o likhi o toi o kisüghüu kimiye lo,” ipikeu shikupulu aye, nongu ye achipiu shi ani.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

SAMUEL ATUGHIU 15:17

Samuel no pi, “O müzülo no ye aghulo kepi aghimu no ye Israel shiaye kümtsü kütsüke kumo keshea? Ampeu no o nukishepe Israel kükau shike.