Ephesiami 6:4 - Sumi Naga CL (Re-edited) Bible (BSI)

⁴ Apunoqo, nongu tianuli mlo shikighide tsü kevilo, ikemu Ampeu no kütsü shika eno qophe chekeu ghola lono panongu saputhu lo.

BAIBEL (BSI)

⁴ Apu-azanoqo, nongu tianuli mlo shikighide tsukevilo, ikemu Khristomino qophechekeu eno kutsuchekeu ghola lono panongu saputhulo.

Sümi Tiqhelimi Bible

⁴ Apù-azanoqo, nongu nuliqo mlo shikighide tsü kevilo; tishini ke züqhulo Khristomi no qophe eno shika chekeu ghola lono panongu saputhulo.

Ephesiami 6:4 ပူးပေါင်းရင်းမြစ်များ

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

AHOLE 19:18

Lajupu anike ghenguno o tianuli shikümzü sakiyi lo; pa pelo akithipu lo ilove peni keu kümsü kevilo.

AHOLE 22:15

Itimi mlo loye alhoaye lono mbomzü shikeu acheni, ikemu sakiyi keu küsü huno tipau hapheve tsü cheni.

AHOLE 22:6

Achipiu laghi lono atianuli qophe puthulo, pa ye kichimi shive namu tipau lono tsüghüsü wuvemo nani.

AHOLE 29:15

Akihepusü ngo shikümzü keu no alokütsü tsücheni, ikemu atianuli kighileve aye akukujo pesü paza tsüani.

AHOLE 29:17

O tianuli shikümzülo, panongu no o kijivile tsü nani, o mlo lo alokiqipu süghitsü nani.

ISAIAH 38:19

Atsala hipau lo I no shi aketoi küxümi likhino O sheqhelu cheni; Apu no O pükhükulu ghili pesü anuliqo vilo pichenie.

Ephesiami 6:3

“tishianguno no ye akivishi anani eno ayeghi lo axüshu nani.”

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 6:7

Hipaqo pesü amlo tsüqhiyi no tianuli shikalo, nongu no aki lo akelo, khalau chekelo, akulhoqhi eno mlaitha kelo hipaqo pesü pialo.

Kolosiami 3:21

Apunoqo, nongu tianuli ghashikighide kevilo, tikumo aye panongu ye aghüthi süve nosae.

2 Tim. 1:5

Ni ye o mlo tsüqhiyi keu küpülü kümsülu acheni, khikhi atüghüshi o püza Lois ngo o za Eunice pama gholo ache keno, eno itehi ye, o lolo aküpülü tipau ani kepi, I no pülü ani.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

XAKUTHAMI 13:12

Manoah no pi, “Tishiaye, kughou nono pikeu tsa shikupuni keno, anu ye kiu gholau no xümasa eno pa kümlapu ye kiu shinani kea?”