Ephesiami 5:11 - Sumi Naga CL (Re-edited) Bible (BSI)

¹¹ Aküzü kümla athi pithimo keu lo chhosü kevilo, tishinike züqhulo tipaqo pesü aküvü lo pephelo.

BAIBEL (BSI)

¹¹ Akuzulo athi pithimokemi kumlaqolo chhosu kevilo, tishinike zuqhulo tipaqo pesu akuvulo saipeghilo.

Sümi Tiqhelimi Bible

¹¹ Àküzǘ lo athi pithímo keu kümlàqo lo chhosü kevilo, ikemu tishini ke züqhulo tipaqo aküvü lo pephe-piye lo.

Ephesiami 5:11 ပူးပေါင်းရင်းမြစ်များ

BOTHUBO 20:16

Sarah vilo pa no pi, “Julo, I no o mu lau ghükayi 1,000 tsüvae. Tipau ye o gholo chekemi kümtsü nhethe lo no ye akipimi kühae pikeu michipu ke, eno kümtsü nhethe lo no ye achipie pikeu kiqike.”

LESHELE 141:5

Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.

AHOLE 1:10

I nu, axinemi no o müsü kelo khilemu aqo lo ilove kevilo.

AHOLE 1:31

tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

AHOLE 13:18

Akükütsütsa milive kemi sala ye athokha eno akukujo, ikemu shikümzü keu ikhilu kemi ye agigihu tsücheni.

AHOLE 15:12

Thoküghami ye shikümzü tsü penishi chemoe, pa ye khilemu alokütsümi lau wuni chemoe.

AHOLE 19:25

Thoküghami kitihelo, itikütüpa kemi no alotsü luve nani, vethakulumi sakiyilo, pa ye alau akighithi ithuluve nani.

AHOLE 25:12

Pujushijuve kemi kükütsütsa no ini nishi akemi kini lo ilolu keu ye ameshoyi nguthi momu achila toike.

AHOLE 28:4

Ayezah pemono qhive kemi no kixikilami sheqhe cheni, ikemu ayezah peche kemi ye kixikilami mjochile cheni.

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

JEREMIYA 15:17

Ni ye züphu-zügha shikemi gholono ado puwo alovi püamoe; O u no I gholo akehu ni ye I likhi ae, kughengu ni ye axukighide no chhitoi ake.

ACHINE 19:17

“O mlo lo o thiküzümi mithi moni, ikemu pa sasü kiqikuto lulo, tikumo aye pa ghenguno nou no axine shilu nosae.

MATTHEW 18:15

“O thiküzüu no o shou axine shiaye, pa lau wuno lomoshi pa kipimi pilo. Pa no o tsa initsü aye, no ye o thiküzüu züluvae.

Luke 3:19

Ikemu yepeu Herod ye pa thiküzüu nipu Herodias ghenguno, eno pa kümla lhoksa ghenguno John no pa sakiyi püa kehu,

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Galatiami 6:8

Khuu no ashi gholau no xusüni keno, ashi lono shiküpsapu xolu nani, ikemu khuu no Aghungu lono xusüni keno Aghungu launo lhokta küxü xolu nani.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

Ephesiami 5:12

Kughengu panoqo no tuqhou no shiche keu ghili ye pinikeu ghi akukujopue.

Ephesiami 5:7

Tighenguno tipaqo sasü kütüna kevilo;

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

1 Thes. 5:7

Kughengu khunono zücheni keno putho lono zücheni, eno shokümzümi ye putho lono shomzü cheni.

2 Thes. 3:14

Khuana no niw yesü hipau lo kiu piani keno agholumo aye, timi tipau jukimchipe qhilo, pa gholo kuloji kevilo, tishino pa pelo kujove pelo.

2 Thes. 3:6

Athiküzümiqo, itehi ningu no Ampeu Jisü Khristo je lono azah nongu tsü ani, khunono akipichi shi xücheni eno nongu no ni launo ikhilu keu kükütsu kiqi lono xüchemo keno, panongu launo tsüghüve lo.

1 Tim. 5:20

Khunono axine lo acheni keno, mishi zülono sakiyi lo, tishianguno kütami no msave nani.

1 Tim. 5:22

Mighimghai sakiphemi kishephepe au betsü kevilo, eno kütami xine lo kuloji kevilo; o küghape mqhamqhiyi lo.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

2 Tim. 3:5

ju keloye Alhou sükümsami toi kemu Alhou küka milive kemi. Timi hitoi keqo launo putosü lo.

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Titus 2:15

Thime hipaqo pe sheshulo; eno kükagha kümtsü pesü shikumto no sakiyi lo. Timi khuu pelomu o jukünatha pekevilo.

Piyeküsü 18:4

Tishino kungugha lono asütsa kütau lakhi I no ishi chilu, “Iw timiqo, li launo ipeghive lo, tikumo aye nongu ye li xine lo kitimelu nosa, eno li tsükeu püsa küsajelu nosae;