Ephesiami 4:29 - Sumi Naga CL (Re-edited) Bible (BSI)

²⁹ Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

BAIBEL (BSI)

²⁹ Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.

Sümi Tiqhelimi Bible

²⁹ Nongu kichí lo shiküpüsa tsa kiumu ipeghi pe kevilo, ikemu kütami no avehupu shi akeu kiqi lono kiu no panongu shiqhepukulu nani keno tilikhi pilo. Tishilu keu vechewo khunoqo nongu kükütsü ini ani keno tipaqo pelo alá shilu peniye ke.

Ephesiami 4:29 ပူးပေါင်းရင်းမြစ်များ

LESHELE 45:2

Timi nuliqo gholo shishe aju-akoghe akiviu ye noke; o mütsü lono küpükini qole ipeghi; tigheno Alhou no alhokupuju o kümghave tsüae.

LESHELE 5:9

Kughengu panoqo kichi lo kuchou kühae; pano lolo shiküpsapu likhie; pano kughoki ye akumoki lhaphe püakeu ke; pano mili no akimki picheni.

LESHELE 52:2

No pishikiqhiu, o mili no aqe kütsügha toi kütsakungo kuchughu cheni.

LESHELE 71:24

Atsala kupuju I mili no O kukuphu ghili pi anani, Kughengu khunono I ghüza niye phuche keno panongu ye akukujo lo ilovae eno aghüthi süvae.

AHOLE 12:13

Küsaküghami ye atsa pikipimi lono meluve cheni, ikemu amikuchomi ye aküküpna lono pojo luve cheni.

AHOLE 15:23

Achipishi khochile keu ye timi lokivipue eno aghuloki kiqi lono atsa achipiu pilu keu ye kiutoi akivi kelae!

AHOLE 15:7

Alokütsümi kichi lono akighithi veküphalu cheni thono mbomzümi mlo lono kumoe.

AHOLE 16:21

Alokütsümi vilo kimchikulupu kighithi akemi ipi cheni, atsapi lo jumghai keu no alau timi züizalu cheni.

YETSAPIU 10:12

Alokütsümi tsa no agigihupu pa lau süghilu cheni, ikemu mbomzümi tsapi no pa kütsave cheni.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

Luke 4:22

Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?”

John 1:37

Akhopemi pama no ti chilu püzü Jisü pape wuve.

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

Rommi 15:2

Ningu pütüta kisüghümi shiqhe kumtoni ke pa kivipu shi tsüni.

1 Kor. 14:19

Tishinamu, ni ye akukuho lo kütami kütsü shika nike ghenguno amilikithe lono atsathi qhethonhe chighi piqi pi akepu ye I mlo lono atsathi punguu pive nani.

Ephesiami 4:12

ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

Kolosiami 4:6

Pülhapuju nongu tsapi lo küpüqhiyi eno jumghai shilo, tishianguno timi lakhikhi lau kishi khochile kepu keno nongu no ithi nani.

1 Thes. 5:11

Tighenguno nongu no shiake toi, lakhino lakhi shikumto eno shiqhe puku alo.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.