Ephesiami 4:25 - Sumi Naga CL (Re-edited) Bible (BSI)

²⁵ Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

BAIBEL (BSI)

²⁵ Tighenguno akimkitsa pikevilo. Milakhikhino pa kusau vilo kuchou tsa pilo, kughengu ninguye kumtsu aphimpi lakhilo anike.

Sümi Tiqhelimi Bible

²⁵ Tighenguno akimiki tsa pi kevilo. Nongu lakhi-khi no nongu kisüghümi vilo kuchou tsa pilo, kughengu ningu kümtsü aphimpi lakhi lo kihiküsümi ke.

Ephesiami 4:25 ပူးပေါင်းရင်းမြစ်များ

KUKAMI ATUGHIU 13:18

Pa no Alhou timi vilo pi, “Ni ghi o toi tungkupmi, eno Ampeu tsa vecheo kungumi lakhi no I vilo pi, ‘Pa sasü o kilo ideighi no pa pelo asho chusho pelo.’” Ikemu pa ye miki ae.

LESHELE 119:29

Akumou laghiqo I launo putosüve tsülo eno O yezah küpüqhiyi I shika tsülo!

LESHELE 15:2

Timi khuu no tichetighe küha, achipiu shicheni eno pa mlo lono kuchou tsa pi cheni keno;

LESHELE 52:3

No ye akivi nguno alhoksau kimiye cheni, eno kiu no achipiu keno pini keu nguno alau miki cheni.

IPEKULU 23:7

Akimki shi ngukube keu lono putosülo, eno pimihami ngo achipiu mikuchomi pithi moni, kughengu Ni ye küsaküghami ngukube kepu kühave no pheve keu shimo nani.

AHOLE 12:17

Kuchou tsa piche kemi ye atho shepe shicheni, ikemu akimki thopiu ye pishikiqhi tsa picheni.

AHOLE 12:19

Akimki mili ye anhekütsü khavi do likhi ikemu kuchou tsapi huno alholo xüache nani.

AHOLE 12:22

Akimki mili ye Ampeu zülo aphikümqhüpu ikemu pükhükulupu shiche kemi shou Pa mlokiqi acheni.

AHOLE 21:6

Akimki mili pesü küakini ithulu keu ye amülhü no amchhi fupe wuve keshie, ti ye akithi lichhe ke.

AHOLE 24:28

Akiqi küha kelo kütami nguku ghi thopi shi kevi eno o mili pesü pishiqhi kevilo.

AHOLE 6:17

Aqheküza nhethi, pighizü mili, eno pimimo kemi ji pele keu phiau kupumi,

AHOLE 8:7

kughengu I kichi lo kuchou tsa pi nani; kixikila tsa ye I ghenguno aphikümqhüpu ke.

ISAIAH 63:8

Kughengu Pa no pi, “Panongu ye Iw timiqo ke; I tianuli, kühakügha shimo nani.” Ikehu Pa no panoqow Xakuluu shive.

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

ACHINE 19:11

“Pükaqhi, pishiqhi momu miki kevilo.

ZEKHARIA 8:16

Nongu no thime hipaqo shilo: Lakhino lakhi lau kuchou tsa pilo; now khagho lo xakütha kiu no achipi keno tsülo eno külakishi ghenguno mlalo;

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

Rommi 12:5

ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.

1 Kor. 10:17

Asho no lakhi ketoi, ningu ye kutomo kemu aphimpi lakhie, kughengu ningu kümtsü asho lakhi lono küsaje ke.

2 Kor. 7:14

I no pa vilo nongu ghili I qheküzapu shi pinamu I shikujove moe. Ikemu nino nongu vilo pikeu kümtsü kuchou ketoi, Titus zülo ni qheküzapu shi pikeu kümtsü kuchou shi aghive ke.

Ephesiami 4:15

Tishinike züqhu, kikimiye lono kuchou tsape pesü ningu ye ala kümtsü lono thuiku Khristo, khuu akütsü keno, Pa lau eno Pa lolo xüsülu masae.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

Ephesiami 4:31

Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

Ephesiami 5:30

kughengu ningu ye pa phimpi lo kihimpemi ke.

Kolosiami 3:8

Ikemu itehi nongu ye amlo kighide, aloghu, axeküsü, piküptha, eno nongu kichi lono atsa lhoksa, hi kümtsü pheve masae.

Kolosiami 3:9

Lakhino lakhi lau miki kevilo, kughengu nongu ye aküxü aqau lhoayeqo phevae,

1 Tim. 1:10

kipti toti dolo mithekumo, kiptimi no kiptimi sasü shupu kemi, timi kügha sawo aqüaxe shiche kemi, kimkimi, akimki shepe shikemi, eno kiu kiumu kuchou kükütsü nguno bidelau akemi ghenguno ayezah mla püani,

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

Titus 1:12

Cretemi tungkupu lakhi no pike, “Cretemi ye alhokuthu kimkimi, tüghashi lhoksaqo, akipichi shi mihemzai kemike.”

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

XAKUTHAMI 16:11

Pa no khochile, “Panongu no peitha jumphi keu akighi kithe pesü I phedave aye ni ye miqemleive nani eno timi kütami toive nani.”