Ephesiami 4:12 - Sumi Naga CL (Re-edited) Bible (BSI)

¹² ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

BAIBEL (BSI)

¹² Tishikeu lono Khristo phimpi shiqhe apeniye Alhou no akumlami sukusu shipe qhitsuke.

Sümi Tiqhelimi Bible

¹² tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

Ephesiami 4:12 ပူးပေါင်းရင်းမြစ်များ

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

Apostolmi 1:17

Kughengu pa ye ningu gholo lakhi shiche, eno hipa kümlapu lo pa saje kophe tsüpüa ke.”

Apostolmi 1:25

Judas no qhive no pa-a lo chevekeu theli lo apostolmi shino hipa kümlapu saje pelu peni keno ni piyelo.”

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Rommi 12:5

ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.

Rommi 12:7

hukuthu kümla shi aghi aye, huthu masa; khuu no shika cheni keno, shiküka gho peitha masa;

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

Rommi 15:2

Ningu pütüta kisüghümi shiqhe kumtoni ke pa kivipu shi tsüni.

Rommi 15:29

Kughou I no nongu lau ighini keno ni ye Khristow kükümgha nibonilei shi nongu sasü küsajelu nani kepi ithi ani.

1 Kor. 12:27

Tishiaye, nongu ye Khristo phimpi ke, eno milakhi khino tipau lo kihimpemi ke.

1 Kor. 12:7

Aqo kivipu ghenguno milakhikhi lau Aghungu akeu pephe piye cheni.

1 Kor. 14:12

Tihutoi nongu ghi Aghungu kümla pephe penishi khelho ani kehu akukuhou shiqhe pukukeu lo akiqheu shinike pükapütsa lo.

1 Kor. 14:14

Kughengu I no amilikithe lono inikhu aye, I ghungu ye inikhu ani ikemu I kükümsü ye avehupu shilu amoe.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

2 Kor. 13:9

Kughou nino miqemlei anamu nongu no mtotoi ani keno, ningu ye alovi cheni. Nongu pelo kupukülailu peni keu no ni kighini ke.

2 Kor. 3:8

Aghungu kümlapu loye tinguno alau ajuküvüpu shimoni keshea?

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

2 Kor. 5:18

Hi kümtsü Alhou launo ke, Pa no Khristo vecheo ningu pesü Pa lau alupekili lupe eno alupekikili kümlapu ningu tsüe;

2 Kor. 6:3

Timi khuu laghi lomu ningu ye lakükha qhitsü chemoe, tishianguno ni kümla lo akipimi kiumu phulu pemo niye ke,

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Ephesiami 1:23

Ikehu akukuhou ye Khristo phimpi, Pa no kupukülai kughulho tsüke toi tino pa mpi kupukülai tsü cheni.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

Ephesiami 4:4

Alhou no lajupu lakhi lo nongu kulu ketoi, aphimpi lakhi eno Aghungu lakhi likhi ani—

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Kolosiami 4:17

Archippus vilo pilo, “Akümlapu khikhi Ampeu launo ithulu keno no ye shikupu tsü masae.”

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

2 Tim. 4:11

Luke likhino I gholo ani. Mark sasü o gholono ighilo, kughengu pa ye Ampeu kümla lo ighono I kuphulu cheni.

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

IBRIMI 6:1

Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,